Qendra e Trajnimit në Aeroportin e Sofjes do të trajnojë specialistë nga e gjithë bota

botuar më 25-02-08 7.30.PD

Foto: BTA-arkiva

Qendra e Trajnimit të Aviacionit në Aeroportin e Sofjes u akreditua nga Shoqata Botërore e Aeroporteve (ACI) dhe i bashkohet grupit elitar të 21 qendrave të trajnimit, duke përfshirë ato të aeroporteve kryesore evropiane si ai i Mynihut, Stambollit dhe Athinës. Qendra e trajnimit të aeroportit të Sofjes bëhet i vetmi vend në Bullgari ku specialistë të aviacionit nga e gjithë bota do të trajnohen në programet ACI. Qendra do të organizojë dhe zhvillojë, së bashku me Shoqatën Botërore të Aeroporteve dhe lektorët e saj, të gjitha trajnimet të ACI, si dhe do të zhvillojë programe për të rritur kompetencat e ekspertëve në sektorin e aviacionit.

Aktualisht në vendin tonë mbahen kurse të ndryshme mbi sigurinë, transportin, shërbimin e pasagjerëve, etj. Akreditimi ndërkombëtar është një njohje dhe vlerësim i jashtëzakonshëm për standardet më të larta të ndjekura nga Aeroporti i Sofjes në trajnimin e personelit për industrinë e aviacionit me marrjen e certifikatës nga ACI, tha drejtori ekzekutiv i "SOF Connect" - Jesus Caballero.

Përpiloi: Gergana Mançeva

Foto:BTA-arkiva, Aeroporti i Sofjes

Përgatiti në shqip dhe publikoi: Kostandina Bello

Последвайте ни и в Google News Showcase, за да научите най-важното от деня!

Ndaje

Qendra e Trajnimit në Aeroportin e Sofjes do të trajnojë specialistë nga e gjithë bota

Më shumë nga rubrika

Ndërtesat ikonike në Gabrovo po transformohen në qendra për inovacion dhe sipërmarrje

Shkollat dhe grupet folklorike bullgare jashtë vendit mblidhen në Veliko Tërnovo

INSAIT me një kontribut të ri në zhvillimin e inteligjencës artificiale