Më 10 shkurt, Kisha Ortodokse kremton martirin e shenjtë Harallambi Mrekullibërësit, i cili gjatë jetës shëronte të sëmurët dhe me fuqinë e Zotit kreu shumë mrekulli.
Në fillim të shekullit të III, Shën Harallambi u bë viktimë e persekutimeve të të krishterëve në kohën e perandorit Lucius Septimius Severus dhe iu nënshtrua torturave të rënda, pas së cilës u dënua me vdekje nga vetë perandori.
Pasi autoritetet pagane e kapën peshkopin e shenjtë e çuan te gjykatësi, i cili e nxiti të adhuronte idhujt. Peshkopi refuzoi me vendosmëri të mohonte Zotin Perëndi dhe më pas iu nënshtrua torturave të tmerrshme. Harallambi i duroi vuajtjet me guxim të madh. Duke parë qëndrueshmërinë e mahnitshme të plakut dhe shfaqjet e mrekullueshme të fuqisë së Zotit, shumë paganë besuan. Të gjithë filluan të lavdërojnë Perëndinë e vërtetë dhe shumë prej tyre u dënuan me vdekje. I shëruar nga plagët e tij, Shën Harallambi u bëri thirrje paganëve të kuptonin të vërtetën.
Me urdhër të perandorit, ai u dënua me vdekje. Kur e çuan në vendin e dënimit, Shën Harallambi ngriti duart drejt qiellit dhe iu lut Zotit për të gjithë njerëzit - t'u japë atyre shëndet trupor dhe shpëtim shpirtëror. Pas kësaj lutjeje, plaku i shenjtë ndërroi jetë para se xhelati të mund ta rrëzonte shpatën mbi të.
Shën Harallambi ia dha shpirtin Zotit në moshën 115-vjeçare, në vitin 202. Ai quhet “Mrekullitari” për shkak të mrekullive të shumta që ka bërë. Koka e tij e shenjtë ruhet në Manastirin grek “Shën Stefani” në Meteora.
Kujtimi i Shën Harallambit nderohet sidomos nga bullgarët, si për ndërmjetësimin e tij lutës para Zotit për të sëmurët, të vuajturat shpirtërisht dhe fizikisht. Krahas kësaj ai respektohet edhe si mbrojtës i bletarëve.
Tradicionalisht, mjalti shenjtërohet në tempuj këtë ditë.
Lexoni më shumë nga koleksioni i Radio Bullgarisë:
Presidenti Rumen Radev do të marrë pjesë sot, 2 tetor, në prezantimin zyrtar të një botimi fototip të "Almanakut Maqedonas" të Organizatës Patriotike Maqedonase me rastin e 85-vjetorit të origjinalit. Prezantimi i botimit fototip të veprës së..
Një ritual ushtarak në nderim të heronjve të rënë në betejat e Kajmakçallan-it u zhvillua në majën me të njëjtin emër, në kufirin midis Maqedonisë së Veriut dhe Greqisë, njoftoi Ministria e Mbrojtjes. Gjatë Luftës së Parë Botërore, në vitin 1916, në..
Një ceremoni solemne do të mbahet në Silistra më 1 tetor për të shënuar 85-vjetorin e kthimit të Dobruxhës Jugore në Bullgari, raportoi BTA. Përfaqësues të autoriteteve lokale dhe qendrore dhe qytetarë do të vendosin lule para monumentit të..
Për të tretin vit radhazi, fondacioni “Karin Dom” – Varna po organizon iniciativën bamirëse “Çmimet Ivan Stançov” në kujtim të diplomatit bullgar dhe..
Nga 22 deri më 28 tetor, qyteti i Vidinit shndërrohet në një skenë të artit, krijimtarisë dhe frymëzimit, për të nderuar Festën Shpirtërore të..
Vranësira të ndryshueshme mundësi për reshje shiu
Vranësira
Vranësira të dendura
Vranësira të dendura me shi