Prokuroria Evropiane në Sofje ngriti akuza kundër dy bullgarëve të dyshuar për mashtrim për 66 750 euro me para nga Fondi Social Evropian dhe bashkëfinancim shtetëror, njoftoi korrespondentja e BNR në Bruksel, Angelina Piskova. Sipas hetimeve, drejtuesi i kompanisë dhe bashkëpunëtori i tij, në funksion të menaxherit të projektit, paraqitën informacion të rremë në Ministrinë e Çështjeve Sociale për të marrë para të destinuara për mbështetje në punësimin e personave të papunë dhe joaktivë. Fondet u siguruan në kuadër të Programit Operativ “Zhvillimi i Burimeve Njerëzore” për periudhën 2014 - 2020, i cili nxit punësimin vendor. Në vend të ofrimit të mundësive për punë, formim profesional dhe kualifikime, në vitet 2021-2022 të dy bënin dokumente të falsifikuara për të krijuar përshtypjen se qëllimet e projektit ishin të përmbushur.