Orkestra “Aramis” pranë Qendrës Ndërkombëtare Kulturore Manheim në Gjermani dha një koncert në majën Todorka të malit Pirin. Një skenë e hapur bore u ndërtua posaçërisht për koncertin jo standard në një lartësi prej 2550 m, duke përfshirë një piano të madhe të montuar nën majë, njofton pirinnews.com.

Koncerti u mbajt i fshehtë deri në minutën e fundit për të ofruar një surprizë të këndshme për turistët e zonës. Nga maja Todorka, muzika klasike dëgjohej në të gjithë malin dhe në qytetin Bansko, thonë skiatorët që e shijuan përvojën. Orkestra “Aramis” përbëhet nga të rinj nga Gjermania dhe Bullgaria, të cilët ekzekutojnë me talent dhe emocion vepra muzikore botërore. Koncerti i tyre mes shkëmbinjve me borë ishte në harmoni me madhështinë e natyrës. Kauza e tyre është të kontribuojnë në mbrojtjen e planetit përmes muzikës, njoftuan organizatorët e koncertit.

Ky nuk është koncerti i parë që mbahet në Pirin për një qëllim të mirë. Në vitin 2021, më 26 shkurt, në majë violinisti bullgar me famë botërore Vasko Vassilev ekzekutoi pjesën "Dimri" nga Vivalld. Ekzekutimi virtuoz u realizua në një violinë “Kallkani” nga viti 1714.

Lexoni më shumë nga koleksioni i Radio Bullgarisë: 

• Vasko Vasilev mbushi 50 vjeç: “E dua publikun dhe kolegët e mi, ëndërroj që të kthehemi nëpër salla!"

• Violinisti Vasko Vasillev: “Nuk ka ndonjë vend më të bukur se sa Bullgaria”

• Virtuozi Vasko Vasilev ndan me botën bukuritë e Sofjes në 5 video

• Vasko Vasilev interpreton muzikë të Vivaldit nën majat e Pirinit