Një projekt i madh infrastrukturor në Bullgari po ecën përpara - tuneli nën majën Shipka në malin Stara Pllanina, i konceptuar 120 vjet më parë, do të ketë një projekt teknik të gatshëm këtë vit. Nëse miratohet, ndërtimi i objektit do të fillojë që në vitin 2025. Kështu i është përgjigjur me shkrim ministri i zhvillimi rajonal Ivan Ivanov pyetjes së deputetit Ljuben Ivanov. Objekti është pjesë e korridorit ndërkufitar veri-jug.

Nëse nuk ka pengesa para projektit të përfunduar dhe shteti lëshon një leje ndërtimi, tuneli historik nën majën Shipka duhet të jetë gati në vitin 2029. Tuneli është planifikuar të jetë 3.2 km i gjatë dhe do të jetë tuneli rrugor më i gjatë në vend. Ka edhe katër tunele më të vogla me gjatësi nga 90 deri në 290 metra. Pjesë e projektit është edhe rruga rreth qytetit të Gabrovos, si dhe rruga deri në tunel, të cilat kanë një gjatësi totale prej 10.5 km.