Ekipi kombëtar bullgar i arteve marciale të përziera (MMA) fitoi titullin e tetë radhazi ekipor në Kampionatin Ballkanik, i cili u zhvillua në kryeqytetin shqiptar, Tiranë, transmetoi Agjencia Telegrafike Bullgare BTA.
Garuesit vendas treguan një përgatitje të jashtëzakonshme, saktësi teknike dhe një vullnet të pakompromis për të fituar, duke treguar epërsi totale pothuajse në të gjitha grupmoshat dhe kategoritë, duke fituar në total 24 medalje ari, 16 argjendi dhe 12 bronzi. Kjo arritje forcoi pozitën e vendit si një forcë udhëheqëse në Ballkan dhe Evropë dhe vendosi synime të reja për ekipin kombëtar - një paraqitje e suksesshme në dy Kampionatet Botërore për të rinj dhe meshkuj, të cilat janë planifikuar të zhvillohen deri në fund të vitit, theksoi Federata Bullgare e Arteve Marciale të Përziera (BFMMA).
Ndër yjet e skuadrës bullgare në Tiranë u dalluan kampioni i Evropës Angell Aliev, Nikolla Ivanov, Apostoll Apostollov, Polat Mehmed, Fikret Mehmed, Georgi Zheljazkov, Pllamen Donkov, Kristian Nedkov e të tjerë.
Stafi i trajnerëve të skuadrës, i udhëhequr nga Maria Koleva, Ivajllo Georgiev dhe Kallojan Kolev, u shpreh i kënaqur me arritjet e garuesve kombëtare.
"Ky sukses është rezultat i punës së palodhur, disiplinës dhe përkushtimit. Konkurrentët tanë janë shembull se çfarë mund të arrijë njeriu me punë dhe këmbëngulje", tha Maria Koleva pas përfundimit të garës.
BFMMA shprehu gjithashtu mirënjohje për ambasadorin bullgar në Tiranë Ivajllo Kirov dhe të gjithë punonjësit e Ambasadës së Republikës së Bullgarisë në Shqipëri për pritjen dhe mbështetjen e ngrohtë që u dhanë sportistëve vendas.Gjimnastja më e mirë bullgare Stiljana Nikollova do të mungojë në Kupën Botërore të Gjimnastikës Ritmike, e cila do të zhvillohet nga 25 deri më 27 prill në Tashkent të Uzbekistanit. Kështu, në garën individuale, Bullgaria do të përfaqësohet nga Eva..
Ivet Goranova fitoi titullin në kategorinë deri në 55 kg “kumite” në Turneun e Karatesë 1 Premier League në Kajro. Kjo është medalja e parë e artë për Bullgarinë në garën më elitare në këtë sport. Kampionia olimpike e Tokios 2020 luajti pesë ndeshje..
Me shumë gabime për gjimnastet filloi dita e fundit e Botërorit të gjimnastikës ritmike në Baku. Ansambli ynë, i cili fitoi titullin e gjithanshëm, përfundoi i katërti në finale me pesë shirita pas ekipeve të Kinës, Izraelit dhe Kazakistanit...
Gjimnastja më e mirë bullgare Stiljana Nikollova do të mungojë në Kupën Botërore të Gjimnastikës Ritmike, e cila do të zhvillohet nga 25 deri më 27..