Pacienti i parë i shtruar për trajtim në vendin tonë pas zjarrit në qytetin e Koçanit të Maqedonisë së Veriut, doli nga Spitali i kryeqytetit “Pirogov”. Bëhet fjalë për një vajzë 15-vjeçare, e pranuar me djegie të rëndë në parakrah, njoftoi drejtori i spitalit, Dr. Valentin Dimitrov. Tetë pacientë mbeten në spital, të gjithë në gjendje të rëndë me traktin e sipërm dhe të poshtëm të frymëmarrjes të prekur. Pas tragjedisë në qytetin maqedonas, e cila ndodhi më mbrëmjen e 15 marsit duke u gdhirë 16 mars, pesëmbëdhjetë të lënduar u transportuan në spitalet në Sofje, Plovdiv dhe Varna.

Ndërkohë, Ambasada Bullgare në Oslo u zgjua me një mesazh anonim mirënjohjeje për popullin bullgar për mbështetjen, aksionet e dhurimit të gjakut dhe punën e palodhshme të mjekëve që trajtojnë të plagosurit. “Ju falënderojmë për gjithë mbështetjen dhe ndihmën që na jepnit në ditët më të vështira dhe për këtë, që treguat se me vëllazëri dhe unitet së bashku mund të bëjmë më shumë”, thuhet gjithashtu në mesazhin, i cili përfundon me fjalët: “Me dashuri për Republikën e Bullgarisë”.

Lexoni më tepër:

• Shpallim ditën e martë ditë zie kombëtare për viktimat në Maqedoninë e Veriut