Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Janë publikuar rregullat për pranimin e studentëve kandidatë nga diaspora

Foto: mon.bg

Ministria e Arsimit dhe Shkencës e Bullgarisë shpalli rregullat për pranimin e studentëve, doktorantëve dhe specializantëve për studime në institucionet shtetërore të arsimit të lartë të Bullgarisë, sipas Dekretit nr. 103/1993 të Këshillit të Ministrave për veprimtaritë arsimore ndër bullgarët jashtë vendit dhe Dekretit nr. 228/1997 për pranimin e shtetasve të Republikës së Maqedonisë së Veriut si studentë në institucionet shtetërore të arsimit të lartë të Republikës së Bullgarisë. Ndryshe nga vitet e mëparshme, studentët e regjistruar në përputhje me Dekretet nr. 103 dhe nr. 228 të Këshillit të Ministrave nuk do të jenë më në gjendje të ndryshojnë specialitetin e tyre, pra të riaplikojnë për specialitete të tjera. Sipas pikës 5 të shtojcës 1, "personat që janë studentë aktualë ose që e kanë ndërprerë arsimin e tyre në institucionet shtetërore të arsimit të lartë bullgar nuk kanë të drejtë të aplikojnë ose të renditen".

Dokumentet e aplikimit janë: dokument identiteti kombëtar dhe/ose ndërkombëtar, dokument i kombësisë/origjinës bullgare, çertifikatë lindjeje dhe përkthim i vërtetuar në bullgarisht, diplomë e arsimit të mesëm të përfunduar - origjinal dhe përkthim në bullgarisht, çertifikata për secilin nga vitet e përfunduara të kursit të shkollës së mesme - origjinale dhe përkthim në bullgarisht, një dokument që vërteton të drejtën e aplikantit për të vazhduar studimet në një universitet në vendin ku e ka marrë arsimin e mesëm dhe një përkthim në bullgarisht.

Kandidatët duhet të regjistrohen në platformën elektronike të Ministrisë së Arsimit dhe Shkencës nga data 21 prill deri më 1 qershor - pas përfundimit të arsimit të mesëm, nga 1 qershori deri më 31 korrik - për studimet master, nga 1 qershori deri më 31 korrik - për studimet e doktoraturës.




Последвайте ни и в Google News Showcase, за да научите най-важното от деня!

Më shumë nga rubrika

Tema e integrimit të romëve vazhdon të jetë në rendin e ditës në Bullgari

8 prilli është dita kur romët në mbarë botën festojnë identitetin e tyre. “Dita Ndërkombëtare e Romëve është një kohë për të treguar se jemi pjesë e kombit bullgar, e komunitetit evropian dhe kontribuojmë në zhvillimin e kulturës vendëse, por..

botuar më 25-04-08 1.30.MD

Ministria e Arsimit dëshiron të bëjë të detyrueshme mësimet е fesë

Ministria e Arsimit dhe e Shkencës do të ofrojë që mësime e fesë të përfshihen në plan-programin e detyrueshëm, duke theksuar kompetencat etike, morale, kulturore dhe historike, deklaroi ministri i arsimit Krasimir Vëllçev para Lidhjes së Mësuesve..

botuar më 25-04-07 7.31.MD

Kanceri i gjirit prek çdo të tetën grua bullgare

Më 7 prill - Dita Botërore të Shëndetit dhe festa profesionale të punonjësve të kujdesit shëndetësor, po e ndalim vëmendjen tuaj te kanceri i gjirit që është sëmundja më e shpeshtë onkologjike te femrat.   Çdo vit zbulohen më shumë se 2 milionë raste..

botuar më 25-04-07 7.05.PD