Java e Madhe ose java e pësimit të Zotit Jezu Krisht është e fundit para Pashkëve. Kjo javë është gjithashtu më e rrepta në fund të Kreshmës së Madhe të gjatë, e cila i përgatit besimtarët për Ngjalljen e Krishtit. Fillon pas së dielës në të cilën të krishterët shënojnë hyrjen e Zotit në Jerusalem, e njohur edhe si e Diela e Dafinave, dhe përfundon ditën e Ringjalljes së Krishtit - Pashkët.
Çdo ditë e Javës së Pësimit quhet "E Madhe" - e Hëna e Madhe, e Marta e Madhe etj. Gjatë secilës prej ditëve, përmendet diçka e rëndësishme që bëri Jezu Krishti për njerëzit ose mësimet e Tij. Kështu, të krishterët gradualisht po përgatiten të mirëpresin dhe të përjetojnë festën më të ndritshme të krishterë - Ngjalljen e Krishtit.
Të Hënën e Madhe, ungjilltarët na tregojnë se si Biri i Perëndisë hyri në tempullin e Jerusalemit dhe e gjeti plot me tregtarë. Krishti u zemërua, përmbysi tavolinat e tyre dhe ai vetë i dëboi, sepse tempulli është një shtëpi për lutje, jo për tregti.
Në këtë ditë, Kisha lavdëron Jozefin e drejtë, për të cilin Bibla thotë se ishte një nga 12 djemtë e patrikut të Dhiatës së Vjetër Jakob dhe i preferuari i tij, i cili jetoi rreth shekullit të XVIII-të para Krishtit. Në Judean e Lashtë, udhëheqësit e Sinedrit - gjykata e lartë priftërore e hebrenjve - quheshin patrikë. Jozefi ose Josifi u shit nga vëllezërit e tij xhelozë tregtarëve që udhëtonin për në Egjipt, sepse ata e kishin zili. Atje, në vendin e huaj, ai kaloi shumë vuajtje, por Faraoni e bëri të dytin për nga fuqia dhe pozita në të gjithë mbretërinë pasi interpretoi saktë ëndrrat e tij.
Ashtu si Jozefi i drejtë, Jezu Krishti u tradhtua nga shokët e tij hebrenj te skllevërve romakë, u torturua dhe vuajti për shkak të mëkateve njerëzore.
Kisha në këtë ditë kujton edhe simbolikën e fikut shterpë, i cili pasi u mallkua nga Zoti u tha. “Çdo pemë që nuk jep fryt të mirë pritet dhe hidhet në zjarr”, tha ai.
Po kështu, të krishterët thirren të japin fryte shpirtërore duke u përpjekur të jenë të mirë, të mos bëjnë keq, të mbushen me virtyte, të përmirësohen në besim.
Tekst: Aleksandra Karamihaleva
Përgatiti në shqip dhe publikoi: Svetllana Dimitrova
Foto: arkiv
Të Mërkurën e Madhe kujtohet një nga ngjarjet e fundit para vuajtjeve shpëtimtare të Birit të Zotit për njerëzimin. Në pendimin e saj të sinqertë, një mëkatare arriti të hynte në shtëpinë ku po qëndronte Krishti dhe, duke dashur të tregonte..
E Marta e Madhe është një ditë për mësime dhe udhëzime morale përfundimtare. Në këtë ditë, priftërinjtë dhe hebrenjtë dëgjojnë fjalët udhëzuese të Birit të Perëndisë në tempull për herë të fundit. Atje, Jezu Krishti jep një shembull se si të jemi..
Me aromë pranvere dhe me pritjen për Ringjalljen e madhe të Krishtit, Dita e Dafinave (Cvetnica) është një nga festat më të dashura në Bullgari. Që në mëngjes herët, njerëzit mbushin kishat për të nderuar këtë ditë të shenjtë dhe për të ndarë gëzimin e..
E Marta e Madhe është një ditë për mësime dhe udhëzime morale përfundimtare. Në këtë ditë, priftërinjtë dhe hebrenjtë dëgjojnë fjalët udhëzuese të Birit..
Të Mërkurën e Madhe kujtohet një nga ngjarjet e fundit para vuajtjeve shpëtimtare të Birit të Zotit për njerëzimin. Në pendimin e saj të sinqertë,..
Pjesërisht me re
Vranësira të dendura