Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Universitetet bullgare prezantojnë programet e tyre në gjuhën frënge në Shkup

Foto: Qendra Kulturore dhe Informative Bullgare në Shkup

Mundësitë për arsim të lartë cilësor në frëngjisht në Bullgari do të prezantohen gjatë një ekspozite arsimore në Shkup. Ngjarja është pjesë e fushatës “Continuons en français” – le të studiojmë në frëngjisht në universitetet bullgare” dhe do të mbahet më 10 prill, në orën 12:30, në Qendrën Kulturore dhe Informative Bullgare në Shkup.

Do të prezantohen këto universitete bullgare me fakultete dhe specialitete në frëngjisht:

1. Fakulteti i Studimeve Franceze në Inxhinieri Elektrike, Universiteti Teknik, Sofje;

2. Programi në Ekonomi dhe Menaxhim në Fakultetin Ekonomik, Universiteti i Sofjes "Shën Kliment Ohridski";

3. Programi për Administrim Biznesi, në Fakultetin Ekonomik, Universiteti i Sofjes "Shën Kliment Ohridski";

4. Departamenti i Shkencave Politike, Universiteti i Ri Bullgar;

5. Departamenti i "Gjuhëve të Huaja të Aplikuara për Administrim dhe Menaxhim", Universiteti i Ri Bullgar;

6. Programi Master “Frankofonia, Shumëgjuhësia dhe Ndërmjetësimi Ndërkulturor”, Universiteti i Sofjes “Shën Kliment Ohridski”.

Gjithashtu do të prezantohen mundësitë e trajnimit në Institutin e Specializuar të Frankofonisë në Administrim dhe Menaxhim, i cili është institut i Agjencisë Universitare të Frankofonisë, i krijuar në vitin 1996 në Sofje sipas një marrëveshjeje ndërkombëtare me Republikën e Bullgarisë.


Ekspozita edukative organizohet me ndihmën e Ambasadës Bullgare dhe Qendrës Kulturore dhe Informative Bullgare në Shkup, në partneritet me Institutin Francez në kryeqytetin e Maqedonisë së Veriut.


Shihni  botimet e Radio Bullgarisë, ku janë prezantuar mundësitë për të studiuar në frëngjisht në universitetet bullgare:



Përpiloi: Elena Karkallanova

Foto: Qendra Kulturore dhe Informative Bullgare në Shkup

Përgatiti në shqip dhe publikoi: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Dimitër Totev

Të jesh fermer nga kokëfortësia – si mbijeton Dimitër nga Turia me 120 dhi pavarësisht burokracisë

Gjatë dekadës së fundit, numri i dhive në Bullgari ka rënë me rreth 30%, tregojnë të dhënat zyrtare statistike, dhe disa nga racat tona autoktone në një moment kanë qenë në buzë të zhdukjes. Pavarësisht prirjes shqetësuese, Dimitër Totev nga fshati..

botuar më 25-06-03 7.00.PD

“Festivali i Artit me Letër Sofja 2025” bashkon krijues nga 21 vende

Edicioni i pesëmbëdhjetë i “Festivalit të Artit me Letër Sofja 2025”, mbahet nga 3 deri më 15 qershor në Pallatin Kombëtar të Kulturës nën moton “Shpirti dhe Materia”, njofton BTA. Sipas organizatorëve, motoja e forumit përmban një mesazh për shoqërinë..

botuar më 25-06-03 5.40.PD

Ministria e Turizmit hapi sezonin veror të vitit 2025

Ministria e Turizmit hapi sezonin turistik veror për vitin 2025 me një ngjarje frymëzuese në Pomorie - një qytet që kombinon detin, historinë, kulturën dhe mundësitë për balneologji dhe turizëm SPA."Një fillim ndryshe për verën e vitit 2025! Paç..

botuar më 25-06-02 8.34.PD