Burgas pret edicionin e 16-të të Sauvignon Selection – një shtyllë në programin Concours Mondial de Bruxelles dhe një nga konkurset më prestigjioze të pavarura të verërave në botë. Mbi 1000 verëra nga e gjithë bota konkurrojnë për medalje, të vlerësuara nga një juri ndërkombëtare. Për herë të parë, verëra nga 26 vende përfshihen në një konkurs të tillë për Sauvignon Blanc. Interesim rekord kanë shfaqur edhe kantinat e verës bullgare, me 56 verëra bullgare që marrin pjesë në konkurs.
Eventi në Burgas është i mbyllur për vizitorët e jashtëm dhe vëmendja e njohësve dhe koleksionistëve nga e gjithë bota i është drejtuar Bullgarisë si një destinacion elitar i verërave, duke stimuluar pozitivisht zhvillimin e turizmit.
Krijuar 30 vjet më parë nga një kompani mediatike belge, Concours Mondial de Bruxelles u imponua si konkursi më i madh ndërkombëtar për verërat e kuqe dhe të bardha. I njohur për standardet e tij jashtëzakonisht strikte dhe profesionale, eventi – që udhëton prej 20 vitesh – organizohet në vende me tradita të pasura në prodhimin e verës, si Franca, Spanja, Italia, Austria, Portugalia etj. Vitin e kaluar, seksioni special për Sauvignon Blanc u mbajt në Austri, transmeton travelnews.bg.
Lexoni më tepër nga koleksioni i Radio Bullgarisë:
Përpiloi: Veneta Nikollova
Foto: sauvignonselection.com
Përgatiti në shqip dhe publikoi: Vesella Mançeva
Ish-Shtëpia-Monument e Partisë Komuniste Bullgare në majën Buzlluxha duhet të ruhet dhe të shndërrohet në një destinacion turistik, i cili do të sjellë përfitime dhe të ardhura për rajonin. Rreth kësaj ideje u bashkuan vizitorët e Festivalit "Open..
Klima e butë, ngjarje kulturore dhe mundësi për të njohur traditat vendase – këto janë vetëm disa nga arsyet pse vjeshta është koha më e përshtatshme për të vizituar Sofjen, raporton portali i njohur italian i udhëtimeve siviaggia.it , i cili së..
Vetëm 37 km nga qyteti i dytë më i madh në Bullgari – Plovdiv , dhe njëqind kilometra në juglindje të Sofjes ndodhet Pazarxhiku piktoresk. Pozicioni i favorshëm gjeografik i qytetit të lashtë është arsyeja se pse rrugët e rëndësishme tregtare..