Rruga drejt shëndetit – fushata “Lëviz dhe fito” nis me një shëtitje deri te shtëpia e pushimit “Bozhur”

botuar më 25-05-03 9.10.PD

Foto: Shoqata turistike Trapezica

Me një shëtitje pranverore deri te shtëpia e pushimit “Bozhur”, dhjetëra entuziastë dhe dashamirës të natyrës do të nisin edicionin e 44-t të fushatës “Lëviz dhe fito”. Shëtitja e parë do të zhvillohet më 3 maj me pikë grumbullimi – Ura e Peshkopit në Veliko Tërnovo.

Rruga është e lehtë dhe përshkruhet për rreth tre orë, ndërsa muaji maj është koha më e përshtatshme për ecje në këtë zonë, sepse bozhurat e egra lulëzojnë dhe mbushin ajrin me aromë të paharrueshme.

Deri në fund të muajit do të ketë edhe dy shëtitje të tjera – drejt Manastirit të Shpërfytyrimit të Krishtit (më 17 maj) dhe drejt zonës piktoreske Ksilifor (më 31 maj), ku do të mbahet festa tradicionale sportive. Këtë vit, fituesit e disiplinave sportive-turistike do të marrin diploma dhe çmime, ndërsa për të gjithë nxënësit është përgatitur një shorte argëtues dhe edukativ kushtuar Ditës Botërore pa Duhan (31 maj), njofton BTA.

Vullnetarët e shoqatës “Trapezica” mirëmbajnë mbi 250 km shtigje të shënuara në rajon, duke pastruar dhe vendosur tabela. Në vitin 2024, në të dyja fazat e fushatës “Lëviz dhe fito”, e cila përkon edhe me fushatën për lënien e duhanit, kanë marrë pjesë mbi 500 persona të moshës nga 4 deri në 88 vjeç.

Përpiloi: Veneta Nikollova

Foto: Shoqata turistike “Trapezica”

Përgatiti në shqip dhe publikoi: Kostandina Bello

Последвайте ни и в Google News Showcase, за да научите най-важното от деня!

Ndaje

Rruga drejt shëndetit – fushata “Lëviz dhe fito” nis me një shëtitje deri te shtëpia e pushimit “Bozhur”

Më shumë nga rubrika

Gazetari Hristo Grozev në Berlin: Çmimi evropian vërteton se vitet e mundimit ia vlejnë

Interes rekord për programin "Unë Zgjedh Bullgarinë" të drejtuar për bullgarët jashtë vendit

Radioja Kombëtare Bullgare dëshiron të zgjerojë transmetimet e saj në Moldavi

Para gjumit dimëror, arinjtë e rinj nga Ukraina gjetën strehë në Bullgari

Nxënësit bullgarë fituan katër medalje në Olimpiadën Ndërkombëtare të Astronomisë dhe Astrofizikës në Rumani