Urime Papës së ri Leoni XIV! Le të punojë me mençuri dhe përkushtim për një botë më paqësore dhe dialog midis të gjithëve, shkroi kryeministri bullgar Rosen Zheljazkov në "X" me rastin e zgjedhjes së kreut të ri të Vatikanit dhe të bashkësisë katolike romake në botë.

"Uroj katolikët në vend dhe në mbarë botën për zgjedhjen e Shenjtërisë së Tij Papa Leoni XIV", shkroi Ministri i Jashtëm Georg Georgiev në Facebook. Ai i uroi Papës së ri mençuri,

Kryetarja e Parlamentit, Natalija Kiselova, gjithashtu uroi kreun e sapozgjedhur të Kishës Katolike Romake. Kisellova shpreh besimin e saj se në aktivitetet e tij si bari shpirtëror i bashkësisë më të madhe të krishterë në botë, ai do të hasë gjithmonë mbështetjen e sinqertë dhe miqësore të popullit bullgar.

Në fjalimin e tij të parë nga Vatikani, Papa i 267-të bëri thirrje për paqe, për ndërtimin e urave dhe shprehu besimin se e keqja nuk mund të mbizotërojë.

Papa Leo XIV u zgjodh si kreu i Kishës Katolike Romake më 8 maj, pas vdekjes së Papës Françesk muajin e kaluar.

• Katolikët në Bullgari kujtojnë me dashuri takimet e tyre me Papën Françesk – Papa i Paqes dhe i Mëshirës