Kanë kaluar 80 vjet që nga fundi i Luftës së Dytë Botërore dhe fitorja ndaj nazizmit. Dita përkujtimore u shënua me vendosjen e kurorave dhe luleve para Monumentit të Ushtarit të Panjohur me pjesëmarrjen e Kryetares së Parlamentit Natalija Kisellova, Presidentit Rumen Radev, Zëvendëspresidentes Ilijana Jotova dhe Shenjtërisë së Tij, Patriarkut Daniil.

Pas ceremonisë në kujtim të ushtarëve të rënë në luftën kundër nazizmit, u zhvillua një procesion i "Regjimentit të Pavdekshëm". Me portrete të pjesëmarrësve nga Ushtria e Parë Bullgare, e cila siguronte krahun ekstrem jugor dhe prapavijën e Frontit të Tretë Ukrainas, njerëzit u drejtuan drejt monumentit tashmë të çmontuar të Ushtrisë Sovjetike.

Më në fund, pjesëmarrësit në procesion u përkulën para Monumentit-Eshtërore të Ushtarit Sovjetik në lagjen "Llozenec" të kryeqytetit, ku më parë u mbajt një shërbesë lutjeje në kujtim të të vdekurve.