Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Muzikë që bashkon:

Koncerti i parë i Filharmonisë së Kosovës në Bullgari

Facebook/ Ambasada e Kosovës në Sofje

Nën tingujt e paharrueshëm dhe interpretimet magjepsëse të veprave nga Beqiri, Alickaj, Verdi, Puccini dhe de Falla, Orkestra e Filharmonisë së Kosovës realizoi koncertin e saj të parë në Sofje, nën drejtimin e dirigjentit të njohur Dario Salvi. Koncerti ishte paraparë të drejtohej nga mjeshtri bullgar Najden Todorov, por ai për shkaqe shëndetësore u detyrua të tërhiqej nga programi. 

Orkestra i dhuroi publikut një atmosferë brilante e cila u pasurua më tej me paraqitjen e sopranos së njohur Besa Llugiqi, e cila u shoqërua nga saksofonisti virtuoz Vitaly Vatulya.

Pas këtij koncerti mbresëlënës, Ambasadori i Republikës së Kosovës në Sofje, z. Haxhi Bajraktari, shprehu urimet e tij të përzemërta për artistët pjesëmarrës dhe vlerësoi kontributin e rëndësishëm të drejtuesve të dy Filharmonive, Dardan Selimaj dhe Najden Todorov. Ai theksoi se më anë të bashkëpunimit të tyre u bë e mundur që 25-vjetori i themelimit të Filharmonisë së Kosovës të kremtohej pikërisht në Bullgari – një vend mik, ku marrëdhëniet kulturore po forcojnë gjithnjë e më shumë lidhjet midis dy shteteve.

Ky koncert u realizua me mbështetjen e Ministrisë së Kulturës, Rinisë dhe Sportit, si dhe nga Ambasada e Kosovës në Sofje, në bashkëpunim me Filharmoninë e Sofjes. Të pranishëm ishin diplomatë, personalitete të njohura, anëtarë të diasporës dhe publiku bullgar i apasionuar pas muzikës klasike.

Përpiloi dhe publikoi: Kostandina Bello

Foto: Facebook/ Ambasada e Kosovës në Sofje



Последвайте ни и в Google News Showcase, за да научите най-важното от деня!

Më shumë nga rubrika

"Nga puthja nuk mbetet asnjë shenjë" - DIA frymëzohet përsëri nga folklori

Dimana Mirçeva, e njohur si DIA, tërhoqi vëmendjen si nxënëse në Shkollën Kombëtare të Muzikës "Ljubomir Pipkov" në Sofje, kur interpretoi këngën e saj të parë origjinale.Që atëherë, ajo i interpreton këngët e saj me respekt për folklorin..

botuar më 25-10-02 5.55.PD

"Një jetë" me muzikë... Orlin Goranov përfundon turneun e tij në vend

Muzika... Arti që na shoqëron gjatë gjithë jetës sonë, në jetën e përditshme dhe në festa. Na çon përmes saj, na e tregon në një mënyrë më të bukur dhe kuptimplotë. Krijon dhe ngjall kujtime, rrit emocionet dhe së fundmi - tregon histori...

botuar më 25-10-01 2.05.MD

Orkestra Simfonike e Radios Kombëtare Bullgare hap sezonin e ri në Ditën Botërore të Muzikës

Orkestra Simfonike e Radios Kombëtare Bullgare, me dirigjentin kryesor Konstantin Ilievski , po e nis sezonin e saj të ri krijues me një koncert festiv në Sallën "Bullgaria" të kryeqytetit më 1 tetor - data e shpallur nga UNESCO si Dita..

botuar më 25-10-01 6.35.PD