Ambasadorja e Republikës së Maqedonisë së Veriut, Agneza Rusi Popovska, i dërgoi një mesazh falënderimi drejtorit të Spitalit Universitar për Kujdes Intensiv dhe Mjekësi Emergjente "Pirogov" Dr. Valentin Dimitrov, duke shprehur mirënjohje për shpëtimin e fëmijëve dhe të rinjve më të lënduar rëndë në zjarrin në Koçani, njofton BTA. “Kujdesi i jashtëzakonshëm që ofruan ekipet tuaja, qëndrimi human dhe trajtimi profesional që u ofruat pacientëve të lënduar në momentet e tyre të nevojës më të madhe, ishin thelbësore për shërimin e tyre dhe kthimin e sigurt në shtëpi.Me përkushtimin tuaj, ju keni tejkaluar kufijtë e kujdesit mjekësor dhe keni dhënë një shembull të humanitetit, dhembshurisë dhe miqësisë. Populli maqedonas do ta kujtojë gjithmonë solidaritetin dhe vetëmohimin që demonstruat", thekson Agneza Rusi Popovska.

Më 16 mars të këtij viti, tetë viktima u shtruan në Spitalin “Pirogov” pasi fishekzjarrët u hodhën në një vend argëtimi në Koçani, dhe i fundit prej tyre u lirua më 15 maj.

Lexoni më shumë mbi temën:

• Shpallim ditën e martë ditë zie kombëtare për viktimat në Maqedoninë e Veriut

Redaktoi: Diana Cankova

Përgatiti në shqip dhe publikoi: Svetllana Dimitrova

Foto: BTA