Një takim i zgjeruar i Këshillit të Rektorëve të Institucioneve të Arsimit të Lartë u mbajt më 5 qershor në Burgas, bënë të ditur sot nga këshilli në një njoftim për shtyp. Ndër të pranishmit në takim ishte edhe drejtoresha ekzekutive e Agjencisë Ekzekutive për Bullgarët Jashtë Vendit, Rajna Manxhukova. Ajo u bëri thirrje rektorëve të zgjerojnë rrethin e qytetarëve bullgarë dhe të huaj me prejardhje bullgare, që do të marrin lehtësime kur zgjedhin një institucion bullgar të arsimit të lartë.

"Bullgarët nga jashtë vendit që hyjnë në institucionet bullgare të arsimit të lartë janë një burim serioz për zgjidhjen si të krizës së punës ashtu edhe të krizës demografike. Një numër i madh i të rinjve që diplomohen në universitetet tona mbeten në Bullgari. "Është e rëndësishme që të ndërmarrim hapa për të rritur numrin e këtyre njerëzve, duke mos i kufizuar ata vetëm te bullgarët nga komunitetet historike, të cilët përfitojnë nga fuqitë e ligjit dhe Dekreti 103 i Këshillit të Ministrave", theksoi Manxhukova.

Sipas saj, që nga viti 1993, kur u miratua ky dekret, nuk është bërë asnjë analizë se çfarë ndodh me qindra mijëra studentë që morën arsimin e tyre në Bullgari - nëse ata e ushtrojnë specialitetin nga i cili janë diplomuar këtu dhe nëse kanë mbetur në vendin tonë.

Redaktoi: Miglena Ivanova

Përgatiti në shqip dhe publikoi: Svetllana Dimitrova

Foto: Këshilli i Rektorëve