Aeroporti “Vasill Levski” – Sofja mori çmimin ACI EUROPE "Aeroporti më i Mirë në Evropë". Dallimi është në kategorinë për aeroportet me një trafik prej 5 deri në 10 milionë pasagjerësh, njoftoi operatori SOF Connect.

"Njohja është një shkak për krenari kombëtare. Është rezultat i përpjekjeve të qindra profesionistëve që, me këmbëngulje, vizion dhe përgjegjësi, kontribuojnë në funksionimin modern dhe efikas të aeroportit më të madh bullgar. Dallimi dëshmon se Bullgaria mund të jetë një lider dhe një shembull i mirë në fushën e transportit ajror kur shteti dhe sektori privat punojnë krah për krah", tha në një fjalim urimi Zëvendëskryeministri dhe Ministri i Transportit Grozdan Karaxhov.

Në kategorinë nën 5 milionë pasagjerë, dallimi iu dha Aeroportit “Cork” në Irlandë, në kategorinë nga 10 deri në 25 milionë pasagjerë - Aeroportit të Hamburgut në Gjermani, nga 25 deri në 40 milionë pasagjerë - në Aeroportin Ndërkombëtar të Athinës, Greqi, dhe mbi 40 milionë pasagjerë - në Aeroportin “Fiumicino” në Romë, Itali.

Shoqata ACI EUROPE ka mbi 600 aeroporte anëtare nga 55 vende, të cilat sigurojnë mbi 95% të trafikut ajror në Evropë.

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: SOF Connect