Një album që përmbledh kostume tradicionale nga shtatë rajone të Vllahisë në Rumani u prezantua në ambientet e Muzeut të Qarkut Giurgiu.Në katalogun, të quajtur "Koleksioni Etnografik i Muzeut "Teohari Antonescu" në Giurgiu - Kostume Popullore dhe Tekstile Shtëpiake", një vend i veçantë i është kushtuar kostumeve dhe pëlhurave tradicionale të komunitetit bullgar nga fshati Băleni-Sârbi, raportoi BTA. Autorët e botimit janë muzeologia Aleksandra Kristika dhe etnologia Madalina Kozhokariu. Parathënia është shkruar nga Prof. e Asoc. Dr. Paula Popoiu, drejtoreshë e Muzeut të Fshatit "Dimitrie Gusti" në Bukuresht - një nga komplekset etnografike më të mëdha në ajër të hapur në botë.

Botimi është i disponueshëm në rumanisht dhe anglisht.

Bullgarët, të cilët kanë jetuar për shekuj në Băleni-Sârbi, qarku Dâmbovița, Rumani, ende ruajnë traditat, gjuhën dhe identitetin e tyre kulturor. Shoqata lokale "Gëzimi Bullgar" punon në mënyrë aktive për të ruajtur kulturën dhe traditat bullgare.

Mund të mësoni më shumë për bullgarët në Rumani nga arkivi i Radio Bullgarisë:

• Bullgarët në qytetin rumun Tërgovishte kanë një muze dhe festojnë së bashku festat tradicionale

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: Muzeu "Teohari Antonescu" - Giurgiu