Vendimet përfundimtare për pranimin e Bullgarisë në eurozonë nga 1 janari i vitit të ardhshëm po votohen sot nga Parlamenti Evropian në Strasburg dhe Këshilli i BE-së në Bruksel, pas një procesi që ka zgjatur dekada.
Bullgaria dorëzoi kërkesën për anëtarësim në Bashkimin Evropian, e mbështetur unanimisht nga Kuvendi Popullor, në dhjetor të vitit 1995.Fillimi i rrugës drejt aplikimit të euros dhe anëtarësimit të plotë të Bullgarisë në eurozonë u vendos më 25 nëntor 2004 me nënshkrimin e marrëveshjes për veprime të përbashkëta për përshpejtimin e anëtarësimit të Bullgarisë në Bashkimin Ekonomik dhe Monetar dhe për vendosjen e suksesshme të euros në vend. Marrëveshja u nënshkrua nga ministri i atëhershëm i financave, Milen Vellçev, dhe guvernatori i Bankës Popullore Bullgare, Ivan Iskrov, kujton agjencia BTA. Marrëveshja përfaqësonte angazhimin e Bullgarisë që, me hyrjen në BE më 1 janar 2007, të përgatiste edhe adoptimin e euros. Më 25 prill 2005, Bullgaria dhe Rumania nënshkruan marrëveshjen e anëtarësimit në Bashkimin Evropian. Nga pala bullgare marrëveshja u nënshkrua nga presidenti Georgi Parvanov, kryeministri Simeon Sakskoburgotski, ministri i jashtëm Solomon Pasi dhe ministrja për çështjet evropiane Meglena Kuneva. Më 1 janar 2007, Bullgaria dhe Rumania u bënë zyrtarisht anëtarët e 26-të dhe 27-të të BE-së.
Fillimi i përgatitjes praktike për vënien e euros në Bullgari u vendos me krijimin e Këshillit Koordinues për përgatitjen e vendit për anëtarësim në eurozonë, me Vendimin nr. 168 të Këshillit të Ministrave, të datës 3 korrik 2015. Më 12 korrik 2018, në një takim në Bruksel, Belgjikë, ministrat e vendeve të eurozonës shprehën gatishmërinë për pranimin e Bullgarisë në të ashtuquajturën "dhomë pritjeje" të monedhës së përbashkët evropiane. Hyrja e Bullgarisë në këtë mekanizëm (ERM II) u realizua në vitin 2020. Fillimisht, data e synuar për vendosjen e euros ishte 1 janar 2024, por procesi u shty në kohë. Në gusht të vitit 2024, Kuvendi Popullor miratoi përfundimisht Ligjin për aplikimin e euros në Bullgari. Ky ligj rregullon parimet, rregullat dhe procedurat për zëvendësimin e levës me euron si njësi monetare zyrtare të Bullgarisë.
Raportet e konvergjencës të kërkuara nga Bullgaria këtë vit dhanë një vlerësim pozitiv për gatishmërinë e vendit për t’u anëtarësuar në eurozonë.
Lexoni më shumë mbi temën:
Përgatiti në shqip dhe publikoi: Svetllana Dimitrova
Foto: Reuters
Kandidatët për anëtarësim në BE duhet t'u përmbahen kritereve dhe kushteve që kanë rënë dakord vetë. Kjo u deklarua nga Ministri i Jashtëm bullgar Georg Georgiev pas një takimi në Sofje me homologun e tij gjerman Johann Wadephul , raportoi..
Marrëdhëniet midis Bullgarisë dhe Gjermanisë janë të shkëlqyera. Gjermania është ndër partnerët tanë më të ngushtë strategjikë. Kjo u deklarua nga Ministri i Jashtëm Georg Georgiev pas një takimi me homologun e tij gjerman Johann Wadepful, i cili është..
Të martën , temperaturat minimale do të jenë nga 5 deri në 10°, në Sofje - 7°. Gjatë ditës, vranësirat mbi vend do të mbeten kryesisht të konsiderueshme, me reshje të lehta shiu gjatë ditës në vende të veçanta në rajonet lindore dhe malore. Ndërprerje..
Të shtunën , temperaturat minimale do të jenë nga 8 deri në 13°, në Sofje - 9. Gjatë ditës do të jetë kryesisht me re dhe në shumë vende do të ketë shi...
Të premten , temperaturat minimale do të jenë nga 6 deri në 11°, në Sofje - 7°. Në orët e mëngjesit, do të ketë mjegull ose vranësira të ulëta në vende..
Për të tretën ditë, deputetët nuk do të punojnë për shkak të mungesës së kuorumit. Kështu, kontrolli parlamentar mbi ministrat i planifikuar për çdo të..
Vranësira të dendura me shi
Reshje
Vranësira të ndryshueshme mundësi për reshje shiu