Vendimet përfundimtare për pranimin e Bullgarisë në eurozonë nga 1 janari i vitit të ardhshëm po votohen sot nga Parlamenti Evropian në Strasburg dhe Këshilli i BE-së në Bruksel, pas një procesi që ka zgjatur dekada.
Bullgaria dorëzoi kërkesën për anëtarësim në Bashkimin Evropian, e mbështetur unanimisht nga Kuvendi Popullor, në dhjetor të vitit 1995.Fillimi i rrugës drejt aplikimit të euros dhe anëtarësimit të plotë të Bullgarisë në eurozonë u vendos më 25 nëntor 2004 me nënshkrimin e marrëveshjes për veprime të përbashkëta për përshpejtimin e anëtarësimit të Bullgarisë në Bashkimin Ekonomik dhe Monetar dhe për vendosjen e suksesshme të euros në vend. Marrëveshja u nënshkrua nga ministri i atëhershëm i financave, Milen Vellçev, dhe guvernatori i Bankës Popullore Bullgare, Ivan Iskrov, kujton agjencia BTA. Marrëveshja përfaqësonte angazhimin e Bullgarisë që, me hyrjen në BE më 1 janar 2007, të përgatiste edhe adoptimin e euros. Më 25 prill 2005, Bullgaria dhe Rumania nënshkruan marrëveshjen e anëtarësimit në Bashkimin Evropian. Nga pala bullgare marrëveshja u nënshkrua nga presidenti Georgi Parvanov, kryeministri Simeon Sakskoburgotski, ministri i jashtëm Solomon Pasi dhe ministrja për çështjet evropiane Meglena Kuneva. Më 1 janar 2007, Bullgaria dhe Rumania u bënë zyrtarisht anëtarët e 26-të dhe 27-të të BE-së.
Fillimi i përgatitjes praktike për vënien e euros në Bullgari u vendos me krijimin e Këshillit Koordinues për përgatitjen e vendit për anëtarësim në eurozonë, me Vendimin nr. 168 të Këshillit të Ministrave, të datës 3 korrik 2015. Më 12 korrik 2018, në një takim në Bruksel, Belgjikë, ministrat e vendeve të eurozonës shprehën gatishmërinë për pranimin e Bullgarisë në të ashtuquajturën "dhomë pritjeje" të monedhës së përbashkët evropiane. Hyrja e Bullgarisë në këtë mekanizëm (ERM II) u realizua në vitin 2020. Fillimisht, data e synuar për vendosjen e euros ishte 1 janar 2024, por procesi u shty në kohë. Në gusht të vitit 2024, Kuvendi Popullor miratoi përfundimisht Ligjin për aplikimin e euros në Bullgari. Ky ligj rregullon parimet, rregullat dhe procedurat për zëvendësimin e levës me euron si njësi monetare zyrtare të Bullgarisë.
Raportet e konvergjencës të kërkuara nga Bullgaria këtë vit dhanë një vlerësim pozitiv për gatishmërinë e vendit për t’u anëtarësuar në eurozonë.
Lexoni më shumë mbi temën:
Përgatiti në shqip dhe publikoi: Svetllana Dimitrova
Foto: Reuters
Ekuipazhi i një anijeje mallrash me flamur Kameruni me 10 marinarë ukrainas në bord u shpëtua në një operacion të udhëhequr nga Qendra e Koordinimit Detar në Varna, njoftoi kreu i saj Rumen Nikollov. Anija "EILEEN" u fundos me shpejtësi për shkak të..
Lufta kryesore politike që po zhvillohet në Bullgari lidhet me orientimin gjeopolitik të vendit në të ardhmen. Kjo u tha nga Kryeministri Rosen Zheljazkov në një fjalim në hapjen e Takimit Vjetor të Shoqatës Kombëtare të Bashkive në vendpushimin..
Nga 13 tetori deri më 28 nëntor, Kryqi i Kuq Bullgar do të shpërndajë produkte të blera nga Agjencia e Ndihmës Sociale për qytetarët në nevojë, njoftoi qendra e shtypit e organizatës. Iniciativa është në kuadër të programit "Ndihmë Ushqimore dhe..
Të shtunën , temperaturat minimale do të jenë nga 8 deri në 13°, në Sofje - 9. Gjatë ditës do të jetë kryesisht me re dhe në shumë vende do të ketë shi...
Për të tretën ditë, deputetët nuk do të punojnë për shkak të mungesës së kuorumit. Kështu, kontrolli parlamentar mbi ministrat i planifikuar për çdo të..
Paketa e fundit legjislative për të siguruar pagesën e tretë sipas Planit të Rimëkëmbjes dhe Qëndrueshmërisë u diskutua nga Ministri i Drejtësisë Georgi..
Vranësira të dendura
Vranësira të ndryshueshme mundësi për reshje shiu
Mot i kthjellët
Pjesërisht me re
Vranësira