Nxënësit më të mirë bullgarë të gjeografisë fituan 4 medalje në garën më prestigjioze botërore të gjeografisë. Në Olimpiadën e 21-të Ndërkombëtare të Gjeografisë iGeo, nxënësit e shkollave të mesme fituan 3 medalje argjendi dhe 1 bronzi, duke e bërë një nga performancat më të mira të Bullgarisë në Olimpiadë, raporton Shoqata e Ekipeve Olimpike në Shkencat Natyrore. Turneu mblodhi nxënës nga mbi 50 vende në Tajlandë nga 26 korriku deri më 1 gusht.

Medaljet e argjendta u fituan nga Zvezdemir Penev nga klasa e 11-të e Shkollës së Mesme Matematikore në Varna, Boris Donkov nga klasa e 11-të e Shkollës së Mesme Kombëtare Matematikore Natyrore në Sofje dhe Nikollaj Kostadinov nga klasa e 12-të në Shkollën e Mesme Matematikore në Varna. Çmimin e bronztë e fitoi Kristian Petrov nga klasa e 12-të në Kazanllëk. Udhëheqësit e ekipit janë Dr. Kallojan Cvetkov dhe Prof. i Asociuar Dr. Dimitër Zhelev nga Fakulteti i Gjeologjisë dhe Gjeografisë i Universitetit të Sofjes.

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: olympicbg.org