Ndryshimet në Ligjin për Qarkullimin Rrugor u shpallën në numrin e sotëm të Fletores Zyrtare dhe do të hyjnë në fuqi pas një muaji. Kështu, nga data 5 shtator, kamerat e sistemit TOL do të transmetojnë të dhëna te Ministria e Brendshme për shpejtësinë mesatare të mjeteve, njofton bTV. Shoferët që kanë tejkaluar kufirin e shpejtësisë do të marrin gjobë elektronike. Nëse tejkalohet shpejtësia me më shumë se 40 km/h jashtë zonave të banuara, parashikohet një gjobë prej 600 leva dhe heqje e patentës për 2 muaj. Shpejtësia maksimale në autostradë mbetet 140 km/h, ndërsa në rrugët e shpejta kufiri maksimal i lejuar është 120 km/h. Gjoba për kalim me të kuqe në semafor dhe për mosndalim në një vendkalim për këmbësorë me vija të bardha tashmë është 150 leva.

Një automjet nuk do të mund të kalojë kontrollin teknik, nëse pronari i tij ka gjoba apo fatura të papaguara për shkelje rrugore.

Trotinetat elektrike do të lejohen të lëvizin me shpejtësi deri në 25 km/h, dhe vetëm gjatë ditës – në korsitë e biçikletave ose në skajin e rrugës, dhe me helmetë të detyrueshme.

Redaktoi: Miglena Ivanova

Përgatiti në shqip dhe publikoi: Svetllana Dimitrova

Foto: BGNES