Të enjten, temperaturat minimale do të jenë nga 14 deri në 22°C, në Sofje – 14°C.

Gjatë ditës do të mbizotërojë mot kryesisht me diell, me shtim të përkohshëm të vranësirave. Në disa zona, kryesisht në rajonet malore, priten reshje të shkurtra shiu dhe bubullima. Do të fryjë erë e lehtë, ndërsa në Bullgarinë Lindore – erë mesatare nga veri-verilindja. Temperaturat maksimale do të jenë nga 29 deri në 34°C, ndërsa në kryeqytet rreth 29°C.

Në bregdetin e Detit të Zi moti do të jetë kryesisht me diell, pasdite me vranësira të përkohshme, por pa reshje. Do të fryjë erë mesatare, herë pas here e fortë nga lindje-verilindja. Temperaturat maksimale të ajrit do të jenë ndërmjet 27 dhe 30°C. Temperatura e ujit të detit është 26–27°C. Deti do të jetë me dallgëzim 2–3 ballë, me tendencë në rritje.

Në male do të mbizotërojë moti me diell. Pasdite priten vranësira dhe reshje të shkurtra shiu me bubullima, kryesisht në masivet perëndimore. Do të fryjë erë mesatare nga verilindja. Temperatura maksimale në lartësi 1200 metra do të jetë rreth 25°C, ndërsa në 2000 metra – rreth 15°C.

Të premten moti do të jetë i kthjellët dhe i nxehtë, me temperaturat që pritet të rriten me 1–2 gradë.

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: BTA