Kikboksieri bullgar Borisllav Radullov fitoi medaljen e bronztë në Lojërat Botërore Sportive që po mbahen në Cëndu, Kinë, njofton BGNES. Ky është medalja e parë për Bullgarinë në këto Lojëra Botërore Sportive. Dy sportistët e tjerë bullgarë në garë – Aleksandra Georgieva dhe Dimitër Stojanov – u kualifikuan dje për në finalet e disiplinave të tyre, duke siguruar të paktën medalje të argjendta. Ata do të luftojnë për vendin e parë më vonë gjatë ditës së sotme. Georgieva do të garojë në kategorinë deri në 60 kilogramë në stilin point fighting, përballë britanikes Evelin Nejens, ndërsa Stojanov, në kategorinë deri në 75 kilogramë, në stilin K1, kundër izraelitit Osaid Xhodah.

Të tre kikboksierët i sollën Bullgarisë medaljet e para në këto Lojëra Botërore, ku përfshihen 34 sporte që nuk janë pjesë e programit të Lojërave Olimpike Verore.

Redaktoi: Darina Grigorova

Përgatiti në shqip dhe publikoi: Svetllana Dimitrova

Foto: kickboxing.bg