Midis datave 10 dhe 14 shtator, publiku në qytetet Pernik, Sapareva Banja, Sofje dhe Plovdiv do të ketë mundësinë të dëgjojë trion indiane të famshme botërisht "Maharaxh" – një formacion me një biografi krijuese të jashtëzakonshme. Prabhash Maharaj – tabla, Abhishek Maharaxh – sitar dhe Vishall Maharaxh – sarod ekzekutojnë muzikë klasike indiane dhe muzikë botërore.

Muzikantët vijnë nga qyteti indian Varanasi – një qendër mijëravjeçare shpirtërore dhe kulturore – dhe janë brezi i pesëmbëdhjetë i familjes së njohur muzikore Maharaxh, e cila prej mbi 500 vjetësh ruan dhe zhvillon traditat e muzikës indiane dhe instrumenteve tradicionale.

Koncertet organizohen nga Ambasada e Indisë në Bullgari dhe Fondacioni Indologjik “Lindje-Perëndim”. Më 10 shtator muzikantët do të performojnë në Pernik, më 11 shtator – në Sapareva Banja, më 12 dhe 14 shtator – në Sofje, dhe më 13 shtator – në Plovdiv.

Të gjitha ngjarjet janë me hyrje të lirë.

Redaktoi: Miglena Ivanova

Përgatiti në shqip dhe publikoi: Svetllana Dimitrova

Foto:  Trio "Maharaxh"