2
Edhe këtë vit, adhuruesit e lutenicës së sapopërgatitur do të kenë mundësinë ta shijojnë këtë kryevepër të shijshme kulinarie në veprimtarinë tradicionale ku ajo është në qendër të vëmendjes – “Festivali Kurtovo Konare”. Programi përfshin një repertor të pasur muzikor, punëtori të ndryshme, projeksion filmi dhe një diskutim mbi pasojat e hedhjes së ushqimit – këto janë vetëm një pjesë e aktiviteteve që i presin vizitorët deri më 14 shtator. Çdo vit gjatë këtij aktiviteti zhvillohen edhe tre konkurse: “Mbretëresha e lutenicës”, “Stenda më e bukur” dhe “Ruajtësi i traditës”.

Ngjarjet realizohen me mbështetjen e Fondit Kombëtar për Kulturën, Komunës së qytetit Stambollijski, donatorëve privatë dhe vullnetarëve. Një recetë tradicionale për lutenicën nga fshati mund ta shihni këtu.

Receta për “mbretëreshën e salcave dhe konservave” gjenden në të gjithë vendin. Në një material nga koleksioni i Radio Bullgarisë mund të mësoni më shumë për mënyrën e përgatitjes së saj edhe në një vend tjetër – qytetin Zllatica.
Në këtë vendbanim përveç një kulle ore 300-vjeçare, ka edhe një orkestër frymore shkollore e jashtëzakonshme – “Yjet që Marshojnë”, të cilët meritojnë vëmendjen e çdo vizitori, qoftë ai rastësor apo i qëllimshëm, në këtë qytet të vendosur midis maleve Stara Pllanina dhe Sredna Gora.

Lexoni ë shumë për lutenicën në arkivin e Radio Bullgarisë:
Përpiloi: Joan Kolev
Përgatiti në shqip dhe publikoi: Svetllana Dimitrova
Foto: Facebook /Kurtovo Konare Fest (arkiv)
Në tre shtete, në tre qytete evropiane – Lion, Mynih dhe Kopenhagen – më 22 nëntor prezantohet projekti i Shoqatës së Ansambleve Folklorike Bullgare Jashtë Vendit (ShAFJV), “Katalogu online me valle dhe kërcime bullgare”. “Qëllimi i Shoqatës është të..
Vallja bullgare është një magji, një rreth i mrekullueshëm që të mbush me energjinë e papërsëritshme të shpirtit tonë bullgar, traditave, identitetit – rrëfen gazetarja Milena Millotinova, e cila së fundmi prezantoi filmin e saj të ri dokumentar..
90 pjesëmarrës, që përfaqësonin 57 ansamble folklorike bullgare nga Evropa dhe Amerika e Veriut, u mblodhën në Sofje për takimin e tyre të katërt krijues-seminar. Ai kaloi jashtëzakonisht në mënyrë konstruktive, me punëtori dhe ligjërues të dobishëm, por..