Pas 110 ditësh jashtë fushës, Grigor Dimitrov u kualifikua për raundin e dytë të turneut të fundit të vitit nga seria Masters 1000 në Paris. Ai mposhti përfaqësuesin vendas, Giovanni Mpetshi Perricard, me rezultat 7-6 (5), 6-1. Ndeshja zgjati pak më shumë se një orë e gjysmë. Bullgari nuk luajti që nga muaji korrik, kur u tërhoq ndaj Jannik Sinner në Wimbledon, në momentin kur kishte epërsi prej dy seteve dhe rezultati ishte 2:2 në të tretin kundër kampionit të ardhshëm. Në rikthimin e tij në fushë, Dimitrov arriti të imponojë ritmin e tij në “tie-break”-un e setit të parë. Grigori, i cili ishte finalist në kryeqytetin francez në vitin 2023, kur humbi ndaj shtatë herë kampionit Novak Djokovic, humbi vetëm gjashtë pikë në shërbimin e tij të parë gjatë gjithë ndeshjes dhe shpëtoi të tria mundësitë për “break” ndaj Mpetshi Perricard, i cili shërbente fuqishëm.
Në raundin e dytë, Dimitrov do të përballet me fituesin e ndeshjes midis Jaume Munar dhe Daniil Medvedev, ku rusi është i renditur i 11-ti në shortin e turneut.Redaktoi: Ivo Ivanov
Përgatiti në shqip dhe publikoi: Svetllana Dimitrova
Foto: BGNES
Nga 23 deri më 30 shtator, në të gjitha shtetet anëtare të BE-së zhvillohet iniciativa Java Evropiane e Sportit. Me këtë rast, në kryeqytetin Sofje, në arenën “Asics Arena”, do të organizohet një panair sportiv dyditor, njoftoi në Facebook Ministria..
Kombëtarja e Bullgarisë në volejboll për meshkuj u kualifikua për në çerekfinalet e Kampionatit Botëror që po zhvillohet në Filipine, pasi mundi Portugalinë me rezultatin 3:0 (25:19, 25:23, 25:13). Ky është një arritje historike, pasi për herë të..
Julijana Janeva fitoi medalje argjendi në kategorinë 68 kg në Kampionatin Botëror të Mundjes për Femra në Kroaci. Në finalen në Zagreb, ajo humbi 2:4 ndaj japonezes Ami Ishi. Ky është dallimi i parë për mundësen kombëtare në kampionat. Atletët..
Reshje
Vranësira
Vranësira të dendura me shi
Vranësira të dendura