Banka Popullore e Bullgarisë (BNB), në rubrikën e saj “Pyetje dhe përgjigje” për aplikimin e euros, publikoi një sqarim se si do të shënohet dhe shkruhet monedha e përbashkët në përputhje me rregulloret e BE-së. Sipas kërkesës që emri i monedhës duhet të jetë i njëjtë në të gjitha gjuhët e BE-së – “euro”, duke lejuar vetëm përshtatjen me alfabetet e ndryshme, në gjuhën bullgare monedha shkruhet „евро“ (euro), dhe jo në forma të tjera (p.sh. „еуро“ ose „ойро“). Shkurtimi zyrtar i euros është “EUR”, i cili është i njëjtë për të gjitha gjuhët.

Për shkrimin e shumave monetare zbatohen këto rregulla:

-  Kur nuk tregohet një shumë konkrete, monedha shkruhet me fjalë – për shembull: “shumë në euro”.

-  Kur tregohet një numër, vendoset një hapësirë e pandashme – për shembull: “shuma e nevojshme është 12 500 EUR” ose “u vu re një diferencë prej 1 550 EUR”.

Simboli grafik i euros €, rekomandohet për përdorim në grafika, njoftime për shtyp dhe publikime të destinuara për publikun e gjerë (p.sh.: “30 €”). Simboli bazohet në shkronjën greke epsilon, dhe dy vijat paralele në të simbolizojnë stabilitetin.

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: Pixabay