Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Fshati Turija – mirëserdhët në botën piktoreske të shkrimtarit Çudomir

Njerëzit nga Turija e dinë si t’i argëtojnë mysafirët.
Foto: Veneta Nikollova

Turija është një fshat i vogël dhe i qetë në malin Sredna Gora, larg ritmit dinamik të qyteteve të mëdha. Kjo është vendlindja e shkrimtarit dhe piktorit të njohur bullgar Dimitër Çorbaxhijski – Çudomir (1890-1967), në krijimtarinë e të cilit gjallërohet bota e malësorëve e fillimit të shekullit XX. Banorët e sotëm të fshatit nuk dallohen shumë nga paraardhësit e tyre. Do të gjeni të njëjtat vlera patriarkale, humorin dhe folklorin autentik, si edhe mikpritjen e dikurshme. Në këtë binden turistët – edhe bullgarë, edhe të huaj, që vijnë në këtë krahinë piktoreske.

Njerëzit nga Turija e dinë si t’i argëtojnë mysafirët. Në fillim, të veshur me kostumet popullore autentike, ata do t’ju presin me muzikë në sheshin e fshatit. Mikpritësit do t’ju ftojnë në tryezën e shtruar në shesh. Banorët e fshatit janë pasardhës të denjë të Çudomirit. Këtu pothuaj çdonjëri mund të shkruajë vjersha, të këndojë, të pikturojë ose ka talent aktori. Prandaj në vatrën e kulturës pandërprerë ka aktivitete kulturore, kurse festat bëhen spektakle të vërteta. Njerëzit nga Turija krenohen me traditat e tyre të vjetra dhe me gatishmëri i demonstrojnë para turistëve.

Kukerët e fshatit Turija

“Tek ne ruhen shumë zakone të vjetra dhe prandaj themi se kjo është bota e pastër e Çudomirit – thotë kryetarja e bashkisë Nevena Sokolova. – Shënojmë festat e Krishtlindjeve, festat pranverore si Dita e Shën Gjergjit, kur lidhim djepa në arrën e madhe të fshatit dhe këndojmë këngë. Në të Lidhurit e Djathit bëjmë marshime deri në fshatrat fqinjë. Në këto marshime përfshihen kukerët – njerëzit që vallëzojnë me maska për të dëbuar forcat e këqija. Tek ne i quajmë dhe “pleq”. Këtu kemi maska karakteristike. Sivjet organizuam një festival kombëtar të kukerëve dhe kemi në plan ta bëjmë të përvitshëm.”

Kisha “Shën Dhimitër”

Monumenti më i njohur në fshat është shtëpia e Çudomirit, e cila është bërë muze. Në të ka dhe një galeri, në të cilën vizituesit mund të shohin pikturat e tij. Në vatrën e kulturës ka një koleksion të bukur etnografik me veshje dhe sende të vjetra, tipike për këtë krahinë. Turistët vizitojnë dhe kishën e fshatit “Shën Dhimitër”, e cila është shpallur monument i kulturës.

Përgatiti në shqip: Ekaterina Tarpomanova


Последвайте ни и в Google News Showcase, за да научите най-важното от деня!

Më shumë nga rubrika

"Bullgaria Lend" – një shëtitje përmes shekujve në zemër të Pravecit

Në brigjet e liqenit të qytetit Pravec u hap një park i ri kulturoro-historik, i cili shtrihet në 14 dekara. Atraksioni “Bullgaria Lend” ofron një mundësi unike për t’u njohur me trashëgiminë bullgare, të paraqitur në përmasa të zvogëluara. Ka modele të..

botuar më 25-07-27 9.00.PD
Fari i Shabllës

Fari i Shabllës hap dyert për vizitorët

Dita e Hapur e Farit të Shabllës do të zhvillohet sot, 25 korrik, njoftoi Bashkia e Shabllës. Vizitorët do të jenë në gjendje të shohin farin më të vjetër funksional në bregdetin bullgar të Detit të Zi - të hyjnë në ndërtesën historike, të mësojnë..

botuar më 25-07-25 5.50.PD

Stafi, sezoni i shkurtër apo mungesa e strategjisë – ku çalon turizmi ynë?

Në prag të sezonit më aktiv veror, i cili tek ne zgjat jo më shumë se dy muaj – korrik dhe gusht – u konstatua se sektori është relativisht i qetë. Rezervimet janë të mira dhe parashikimet për një rritje prej 6% krahasuar me vitin e kaluar në kulmin e..

botuar më 25-07-21 7.30.PD