Talente të reja muzikore: Magi Xhanavarova

botuar më 13-05-28 8.03.PD

Foto: radiovarna.bnr.bg

AUDIO

Update Required To play the media you will need to either update your browser to a recent version or update your Flash plugin.

Magdalena Xhanavarova, ose vetëm Magi, siç e quajnë zakonisht mediat dhe publiku, është fytyra e re e skenës bullgare. Ajo është një këngëtare shumë e talentuar, me zë të mrekullueshëm. Publiku bullgar e njeh Magin si këngëtare të stilit R&B dhe Soul. Siç vetë këngëtarja thotë, kjo është “muzika e saj”.

“Kënga e parë, që incizova si producente e vetvetes e ka titullin “Call My Name”. E kompozova vetë – thotë këngëtarja. – Jam autore e muzikës dhe tekstit. Kjo ndodhi në një moment shumë të vështirë në jetën time dhe duhej t’i shprehja emocionet në ndonjë mënyrë.”

Ja se çfarë na tregoi Magi Xhanavarova për hapat e saj të parë në rrugën e vështirë muzikore: “Kënga e parë që këndova ishte “Miki Maus” nga repertori i Rosi Kirillovës. Atëherë isha pesë vjeçe, por interesi im ndaj muzikës është nga një moshë edhe më e hershme. Nëna ime ishte njeriu, i cili më orientoi në këtë art. Vetë ajo këndon shumë bukur, ka fituar bursë për Shkollën Muzikore në Sofje, por nuk e zhvilloi talentin e vet. Me siguri e kam trashëguar talentin e saj. Hapat e mi të parë në muzikë janë në qytetin e lindjes Veliko Tërnovo, në studion për talente “Rumina”. Pas kësaj tetë vjet i bija violonçelit, si dhe pianos. Mbarova shkollën “Emilian Stanev” në degën “Këndim pop dhe xhaz” te Maria Kasabova. Ajo është njëri dhe pedagoge e mrekullueshme dhe më ndihmoi jashtëzakonisht shumë në zhvillimin tim vokal. Pas kësaj në Sofje, në Akademinë Muzikore Kombëtare pedagogia ime ishte profesoresha Alis Bovarjan”.

Magi Xhanavarova është fituesja në stinën e tretë të shous televizive “Music Idol”. “Kam kujtime shumë të bukura. Pjesëmarrja në shou më dha shumë. Ky ishte një hap shumë i madh në jetën time – thotë Magi. – Punova me muzikantë të jashtëzakonshëm, profesionistë shumë të mirë. Një ekip i tërësishëm kujdesej për mua – për makijazhin, flokët, veshjet. Kjo është ëndrra e çdo një artisti. Njeriu duhet t’i ndjekë qëllimet e veta. Ka momente shumë të vështira, por nuk duhet të heqim dorë. Jam e sigurte se çdo një prej nesh, këngëtarëve të rinj, e ka vendin e vet këtu në Bullgari.”

Albumi debut i Magi Xhanavarovës “Hapi i parë” doli në treg në vitin 2009. Producenti i tij muzikor është Vladimir Ampov – Grafa, i cili është autori i disa prej orkestrimeve. “Ai është njeri, artist, muzikant dhe mik i jashtëzakonshëm” – thotë Magi. Muzika dhe teksti janë të Borisllav Dimitrovit – Bobo. Në album ka dhe dy duete, për të cilat Magi Xhanavarova thotë se janë dy ëndrrat e saj të plotësuara.

“Ëndrra ime më e madhe në plan profesional është suksesi botëror, domethënë bota të dëgjojë për mua, të dëgjojë muzikën time – thotë këngëtarja e re. – Sa për jetën time personale desha që të jem shëndosh e mirë, si dhe të gjithë të afërmit e mi.”

Përgatiti në shqip: Vesella Mançeva

По публикацията работи: Elena Cvetkova

Последвайте ни и в Google News Showcase, за да научите най-важното от деня!

Ndaje

Talente të reja muzikore: Magi Xhanavarova

Më shumë nga rubrika

"Së bashku" në një duet të papritur

"Dera e kyçur" – vepra më e re e këngëtarit Todor Gaxhallov

“Më zgjo në maj” dhe Mary Boys Band

“Zëri i qetë” dhe mesazhi që të mos kesh frikë të jesh i dobët

"Në izolator"- një këngë e lindur nga përvoja e jetikës