Këtë javë Presidenti Rosen Plevneliev ishte për vizitë zyrtare në Republikën e Kosovës dhe në Bosnjë dhe Hercegovinë. Perspektiva evropiane për shtetet nga Ballkani Perëndimor, bashkëpunimi regjional në Evropën Juglindore, diversifikimi energjetik, bashkëpunimi ekonomik, investimet, si dhe partneriteti në lëmin e sigurimit – e gjithë kjo ishte ndër theksat e bisedimeve të Kreut të Shtetit me Presidenten e Kosovës Atifete Jahjaga dhe me Kryetarin e Presidencës së Bosnjës dhe Hercegovinës Mladen Ivaniç.
Mesazhi kryesor politik i drejtuar nga Presidenti bullgar gjatë këtij turneu të vogël ballkanik ishte se integrimi evropian i vendeve nga Ballkani Perëndimor është në thelbin e arritjes së stabilitetit të qëndrueshëm dhe prosperitetit të regjionin tonë. Rosen Plevneliev nënvizonte se vendi ynë gjithmonë ka qene i vendosur në përkrahjen e vet ndaj vendeve fqinje sa i përket integrimit të tyre evropian dhe se përfundimi i bisedimeve për nënshkrimin e Marrëveshjes së Stabilizim Asociimit me Bashkimin Evropian është një hap i rëndësishëm në procesin e integrimit evropian edhe të Kosovës, edhe të Bosnjës dhe Hercegovinës. Disa herë Presidenti i Bullgarisë ripohoi edhe gatishmërinë për ndarjen e përvojës sonë jo të vogël në të gjitha aspektet e proceseve të integrimit evropian.
Një mesazh tjetër i rëndësishëm, tahsmë në fushën e ekonomisë, ishte se vetëm së bashku vendet nga Evropa Juglindore mund të krijojnë një infrastrukturë moderne energjetike dhe të transportit dhe me ndihmën e BE-së mund t’i ndryshojnë në një mënyrë radikale lidhjet në Ballkan. “Ambicia jonë është që ndërtimi i Bashkimit Energjetik Evropian të fillojë pikërisht në Ballkan, gjë që do të sigurojë qasjen e çdo një shteti ballkanik te tri burimet alternative të gazit natyror. Krijimi i një burse energjetike regjionale dhe i një tregu energjetik regjional duhet të bëhet një prioritet i përbashkët i tërë Evropës Juglindore”, apeloi Plevneliev. Diskutimi i mundësive konkrete për aktivizimin dhe zgjerimin e marrëdhënieve ekonomike gjatë vizitave në dy shtetet ballkanike ishte jo më pak i rëndësishëm sesa shqyrtimi i aspektit politik, sepse në fund të fundit integrimi ekonomik është katalizatori më i mirë i integrimit në përgjithësi.Përgatiti në shqip: Vesella Mançeva
Turqit dhe grekët duan më shumë pika kalimi përgjatë Vijës së Gjelbër në Qipro Partitë politike greke qipriote dhe turke qipriote u kanë bërë thirrje liderëve të tyre që të hapin më shumë pika kalimi përgjatë Vijës së Gjelbër që ndan Qipron për..
Pasi për të njëmbëdhjetën herë ia dolën të zgjedhin kryetaren e Legjislaturës së 51-të të Kuvendit Popullor në personin e Natalija Kisellovës, të propozuar nga “BSP – E majta e Bashkuar”, deputetët votuan për zgjedhjen e nënkryetarëve të..
Ministri i jashtëm i Maqedonisë së Veriut, Timço Mucunski, u dëgjua nga Komisioni për Punët e Jashtme i Parlamentit Evropian. Ai tha se disa nga kujtimet e tij më të bukura janë nga Bullgaria, por akuzoi Sofjen për ngecje të integrimit evropian të..
Në konsultimet e sotme me presidentin Rumen Radev për formimin e qeverisë në kuadër të Legjislaturës së 51-të të Kuvendit Popullor, kreu i partisë..
Në konsultimet me presidentin Rumen Radev për formimin e qeverisë në kuadër të Legjislaturës së 51-të të Kuvendit Popullor, bashkëkryetari i grupit të..
Formimi i shumicës është një detyrë mjaft sfiduese në një parlament shumë të fragmentuar. Më vjen mirë që KuvendiPopullor po fillon të punojë, tha..
Vranësira të dendura
Pjesërisht me re