Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Përsëri nuk jemi të përgatitur për krizën e gazit, siç ishte para 6 vjetësh

Foto: BGNES

Si në vitin 2009,   Rusia përsëri ndërpreu furnizimet e gazit për Ukrainën për shkak të mospagimit të furnizimeve të reja me parapagim. Në përgjigje Ukraina ndaloi importin e gazit rus. Është punë e dy shteteve. Por, përmes Ukrainës kalon transiti i gazit rus për Evropën Qendrore dhe Juglindore, d.m.th. drejt nesh. Ndërsa shefi i “Gazpromit” Aleksej Miler paralajmëroi, se refuzimi i Kievit të blejë gaz rus përbën “rrezik serioz” për transitin e  karburantit blu drejt Evropës përmes Ukrainës. Ne përsëri nuk jemi gati, si në vitin 2009, kur në mes të dimrit kaluam dy muaj pa ngrohje deri sa centralet të kalojnë në përdorimin e qymyrgurit. Tani na qetësojnë, se në Ukraina ka dy lloje gazsjellësish: të transitit drejt Evropës dhe drejt nesh, dhe një tjetër – për konsum në vetë Ukrainën. Supozohet, se "Gazprom" nuk ka ndërmend të kufizojë transitin, sidomos në drejtimin tonë, sepse  këto janë flukse të qëndrueshme financiare për kompaninë, e cila aktualisht ka probleme për shkak të çmimit të ulët të naftës. Do më thënë nuk ka rrezik. Dhe Ministrja e Energjetikës Temenuzhka Petkova na qetësojë, se nga analiza e bërë është konstatuar, se në këtë moment nuk janë në pah arsye për ndryshim në punën e rrjetit kombëtar dhe të transitit të përcjelljes së gazit dhe se ato nuk janë të rrezikuar. Por Kryeministri Borisov u shqetësua në Kinën e largët nga ulja e presionit në po këtë rrjet pas sanksionit rus. Ministrja Petkova deklaroi, në lidhje me këtë, se lëkundja në presionin është gjë normale kur bëhet transmetim i gazit natyror  dhe se ai është normal brenda parametrave të marrëveshjes së arritur. Por deri kur?

Nga ana tjetër, depoja e gazit në Çiren, me gjithën se është plotë në 90% me 450 milionë metra kub gaz, mund të zgjidhë çështjen vetëm për nja njëqind ditë. Sepse gjatë dimrit vendi ynë konsumon 8-20 milionë metra kub për ditë, ndërsa nga Çireni nxjerrja  ditore është maksimum 4,5 milionë.

E vërteta është, se me gjithë krizën e gazit në vitin 2009 dhe objektivat e shpaluara në strategjitë energjetike, deri më tani nuk ka asgjë të ndërtuar ose nga ajo e ndërtuar Bullgaria ka pak dobi. Flitet për rryma të ndryshme, për qendra të gazit, por nuk bëhet ajo që është më e leverdishme – interkoneksionet me vendet fqinje. Për këtë ndër të tjerët bëri thirrje gjatë javës dhe KE – që Bullgaria sa më shpejtë të ndërtojë  gazsjellësit  transkufitar për lidhje me fqinjët, të cilët të financohen me para nga buxheti evropian. Zëdhënësi mbi energjetikën Ana Kajza Itkonen shpalli, se personalisht Kryetari Junker ka bërë përpjekje të jashtëzakonshme për modernizimin e infrastrukturës  në Evropën Qendrore dhe Juglindore, përfshi Bullgarinë, kështu që secili vend- anëtar të ketë së paku tre burime të ndryshme të gazit. Bullgaria tani për tani ka vetëm një – atë të Rusisë përmes Ukrainës. Si para 6 vjetëve, kur përjetuam një dimër të tmerrshëm, edhe tani nuk ka kë të na ngrohë, në qoftë se presioni nga lëkundja pushon së qeni.

Përgatiti në shqip: Sofia Popova




Последвайте ни и в Google News Showcase, за да научите най-важното от деня!

Më shumë nga rubrika

Georgi Përvanov

Ka kthim të ekspertëve bullgarë, por po rritet edhe numri i punëtorëve të huaj

Ka një rritje të madhe të importit të punëtorëve nga vendet e treta, dhe deri në fund të vitit pritet të arrihet shifra prej 50 mijë vetash. Mungesa e fuqisë punëtore mbetet një problem i përhershëm, tha për radion BNR Georgi Përvanov – ekspert për..

botuar më 25-09-18 11.53.PD

Përpara vendosjes së euros në qarkullim, kompani dhe qytetarë po depozitojnë me ritëm të shtuar para në banka

Ministria e Financave të Bullgarisë emetoi në tregun e brendshëm obligacione shtetërore 7-vjeçare në vlerë prej 300 milionë leva (rreth 144 milionë euro), me një normë interesi prej 3.25%. Kërkesat për blerje arritën në 446 milionë leva, me një..

botuar më 25-09-17 9.54.PD

Një kompani investon mbi 1 milion euro shtesë për prodhimin e saj në Bozhurishte

Një kompani bullgare po zgjeron prodhimin e saj të makinave prerëse me lazer në Parkun Industrial Sofje – Bozhurishte, njoftoi Ministria e Ekonomisë. Investimi kap vlerën prej 2 milionë leva (mbi 1 milion euro). Kompania do të ndërtojë një ndërtesë..

botuar më 25-09-14 7.50.PD