Ditën e enjte TASS bëri të ditur duke u mbështetur te përfaqësues të kompanisë ruse “Rosatom” se Gjykata e Arbitrazhit pranë Dhomës Ndërkombëtare të Tregtisë në Gjenevë ka marrë vendim në dobi të “Atomstrojeksport” në debatin me Kompaninë Elektrike Kombëtare për ndalimin e projektit për Centralin Atomik “Belene” dhe se Gjykata ka marrë vendimin për kompensimin e “Atomstrojeksport” për dëmet e pësuara me përmasë 620 mln euro. Nga ana e vet Kryeministri Bojko Borisov dhe Ministrja e Energjetikës Temenuzhka Petkova deklaruan se vendimi është për 550 mln euro, të cilat duhet të paguhen nga Kompania Elektrike Kombëtare për pajisjen tashmë të prodhuar, të porositur gjatë vitit 2008.
Ja pak informacion suplementar. Saga lidhur me Centralin Atomik “Belene” filloi para 35 vitesh. “Fëmija e dytë atomike”, fryt i dashurisë bullgaro-sovjetike, duhej të ishte krenaria energjetike e Bullgarisë socialiste dhe më konkretisht e udhëheqësit të saj të parë Todor Zhivkov. Një vit pas ndryshimeve demokratike në vitin 1989 projekti i realizuar pjesërisht u ndalua dhe u ringjall përsëri në vitin 2002 nga Kryeministri i atëhershëm Simeon Sakskoburggotski. Në vitin 2006 pas një ankandi ndërkombëtar për teknologjinë dhe zbatuesin qeveria e Sergej Stanishevit zgjodhi “Atomstrojeksport” për ndërtimin e një centrali krejtësisht të ri dhe jo përfundimin e ndërtimit të filluar. Problemet filluan pasi erdhi në pushtet qeveria e GERB-it në vitin 2009, kur nuk u arrit pajtim midis Kompanisë Elektrike Kombëtare dhe “Atomstrojeksport” për çmimin përfundimtar të kapaciteteve bërthamore prej dy blloqesh prej 1000 megavatesh. Përveç kësaj doli se kompania bullgare ka probleme me financimin. Në fund kompania energjetike gjermane RWE, e cila është partnere e Kompanisë Elektrike Kombëtare duhej të bëhej aksionar privat me 49 për qind në centralin e ardhshëm “Belene”, por hoqi dorë. Kështu u arrit deri te ndërprerja e dytë zyrtare e projektit gjatë muajit shkurt të vitit 2013 dhe deri te pretendimet e “Atomstrojeksport” për kompensime me përmasë 1.2 mlrd euro. Mirëpo, arbitrazhi në Gjenevë miratoi vetëm pagimin e shpenzimeve të “Atomstrojeksport” për pajisjen e prodhuar. Të gjitha kërkesat e tjera – për rritjen e të ardhurave për projektin, për dobitë e humbura, për shpenzimet e realizuara jashtë atyre të deklaruara etj. u refuzuan. Kompania Elektrike Kombëtare duhet të paguajë për pajisjet e prodhuara dhe përkatësisht t’i marrë këto aktive të prodhuara me përmasë 550 mln euro. Dallimi deri në 620 mln euro, të cituara nga pala ruse janë rrjedhim i një kërkese të Kompanisë Elektrike Kombëtare, sepse “Atomstrojeksport” duhej të blinte pajisjen e vjetër në sheshin në Belene, por nuk e bëri në vëllimin e plotë të deklaruar.Përgatiti në shqip: Vesella Mançeva
“Fitorja e GERB-SDS është e sigurt. Dhe ne kemi marrë një angazhim për të formuar një qeveri”. Kështu u shpreh në një konferencë kreu i GERB-it, Bojko Borisov. Sipas tij, pas rritjes së aktivitetit të votuesve mund të flitet për përfaqësim në..
Sipas të dhënave nga exit poll-et e të gjitha agjencive sociologjike, GERB-SDS me lider Bojko Borisov është padyshim forca e parë politike. Vitet e fundit partia është përmbajtur nga komentet para shpalljes së rezultateve përfundimtare nga KQZ...
Në prag të zgjedhjeve të gjashta të parakohshme parlamentare në më pak se tre vjet, vërehet lodhja e qytetarëve bullgarë nga pashpresa menaxheriale. Një gjë e tillë duket se ekziston edhe në fushën politike – dëshmi është fushata tejet letargjike..
Në konsultimet e sotme me presidentin Rumen Radev për formimin e qeverisë në kuadër të Legjislaturës së 51-të të Kuvendit Popullor, kreu i partisë..
Këshilli i BE-së vendosi të hiqen kontrollet në kufijtë tokësorë të Shengenit të Bullgarisë dhe Rumanisë nga 1 janari 2025, njoftoi Presidenca hungareze..
Konsultimet e presidentit Rumen Radev me forcat politike të përfaqësuara në parlament përfunduan para dorëzimit të mandatit të parë eksplorues. Sipas..
Mot i kthjellët
Vranësira
Pjesërisht me re