Mësova të jem vet, mësova të punoj “në izolim” dhe të ndiej veten mirë në këtë proces – kështu Viktorija Vasilenko cakton më të vlefshmen, të cilën i solli viti 2016. Vjet pianistja e re vazhdoi arsimin, fitoi çmime prestigjioze, bëri incizime për Radion Kombëtare Bullgare, dha koncerte tek ne dhe në botë. Pianistja e re gjithnjë i gëzon përkrahjes së prindërve Asja dhe Aleksandër Vasilenko, pianistë dhe pedagogë të respektuar. Pianon e zotëronte te pedagogë të njohur në Bullgari dhe Spanjë. Kohët e fundit ajo pasuroi dallimet me çmimin e parë të Konkursit me emrin e kompozitorit, violinist, pedagog, pianist dhe dirigjent të njohur rumun Xhorxhe Enesku. Prezantimi i shkëlqyeshëm i hapi mundësi të reja për shfaqje krijuese.
Që nga vjeshta e vitit 2016 Viktorija Vasilenko mëson në Belgjikë, gjë për të cilën tregon: “Në afërsi të Brukselit në Vaterlo ka një kolegj muzikor me emrin e Mbretëreshës Elizabet. Kushtet për përgatitje aty janë të mrekullueshme. Në një shkallë mund të thuhet, se kjo është disi një agjenci speciale muzikore, pasi udhëheqja e kolegjit vazhdimisht organizon koncerte të nxënësve të tij në Belgjikë, Gjermani, Francë. Për mua kjo është një gjë krejt e re. Vitet e fundit pata fatin të punoj me pedagogë të mëdhenj dhe të njihem me njerëz interesant. E gjithë kjo më ndryshoi si njeri dhe si muzikante. Mësimi më i vlefshëm, të cilin e nxora është që sa më shpejtë të adaptohem me çdo situatë. Mësova të jetoj vet, të punoj “në izolim”. Herët ose vonë secili përjeton një situatë të tillë – të punojë vet dhe të zhvillojë veten, të zbulojë se çfarë dëshiron të bëjë.”
Pas konkursit në Rumani Viktorija Vasilenko mori pjesë në Festivalin Ndërkombëtar Ditë të Laureatëve “Katja Popova” në qytetin Pleven. Në kuadrin e këtij aktiviteti bashkë me Ansamblin e Muzikës së Dhomës “Sofijski Solisti” me dirigjent Pllamen Xhurov ekzekutuan Koncertin për piano dhe orkestër në re minor BWV 1052 nga Johan Sebastijan Bah. Po këtë vepër pianistja e incizoi për Radion Kombëtare Bullgare, me Orkestrën Simfonike të radios, prapë me dirigjent Pllamen Xhurov.
Përgatiti në shqip: Svetllana Dimitrova
Kamelia Todorova - këngëtarja që vendosi standarde në muzikën bullgare xhaz dhe pop - prezanton projektin e saj të ri muzikor "Këngët e mia" më 14 tetor në orën 19:30 në Qendrën për Art Bashkëkohor "Topllocentralla" në Sofje. Eventi premton të jetë..
Papi Hans po ngroh vjeshtën e ftohtë me këngën e tij të re me ritme latine “E pafajshme”. Ajo vjen pas një serie baladash dhe është kënga e parë nga albumi i tij i ardhshëm, i cili do të quhet simbolikisht “Dielli”. Sipas këngëtarit, ky do të..
"Festivali Evropian i Muzikës" në Sofje ofron disa ngjarje të spikatura për adhuruesit e muzikës në serinë vjeshtore të edicionit të tij të 25-të. Nga mesi i tetorit deri më 2 dhjetor 2025, do të zhvillohen koncerte me programe interesante dhe..
Një përjetim emocionues u ofron melomanëve të kryeqytetit, Festivali Europian i Muzikës më 10 nëntor. 2500 vjet nga themelimi i qytetit legjendar italian..