Ruajtja, digjitalizimi dhe shkëmbimi i dokumentacionit arkivor është me rendësi për rimendimin dhe promovimin e historisë sonë të përbashkët. Këtë javë një delegacion i Drejtorisë së Përgjithshme të Arkivave të Shqipërisë bëri një vizitë zyrtare në Agjencinë Shtetërore “Arkiva” të Bullgarisë. Përveç shkëmbimit të përvojës, ekspertët bullgarë dhe shqiptarë rinovuan memorandumin e bashkëpunimit mes dy institucioneve arkivore.
Për zgjerimin e bashkëpunimit mësojmë nga Kryetari i Agjencisë Shtetërore “Arkiva” doc. dr. Mihail Gruev:
“Parashikojmë mundësi për shkëmbim të dokumentacionit për historitë kombëtare të dy vendeve, si edhe për shkëmbim të ekspertëve, ekspozitave etj. Do të shfrytëzojmë të gjitha format e popullarizimit të trashëgimit që ruhet në dy institucionet. Tani do të fillojmë procesin e kërkimit të dokumenteve të lidhura me historinë shqiptare në arkivat e Bullgarisë. Njëkohësisht edhe në arkivat e Shqipërisë do të kërkohet dokumentacion për historinë bullgare. Do t’i shkëmbejmë në fillim të vitit të ardhshëm kur parashikojmë edhe një ekspozitë të përbashkët në Tiranë dhe Sofje. Po shpresoj se ky bashkëpunim do të vazhdojë edhe në të ardhmen. Ne kemi një bashkëpunim të mirë me Agjencinë Shtetërore të Arkivave të Kosovës ashtu që biseduam për realizimin e një projekti trepalësh.”
Më shumë rreth bashkëpunimit mes arkivave dhe pikave të përbashkëta në historinë e Shqipërisë dhe Bullgarisë, mund të dëgjoni në intervistën me Drejtorin e Përgjithshëm të Arkivave të Shqipërisë dr. Ardit Bido.
Menjëherë pas festës së madhe të krishterë të Rrëshajave, po festojmë ditën e Shpirtit të Shenjtë - personi i tretë i Trinisë së Shenjtë. Festa kishtare është gjithashtu e fundit para festës së të Gjithë Shenjtorëve, e cila përfundon ciklin e Pashkëve...
Çdo vit të shtunën para festës së madhe të krishterë të Rrëshajëve, Kisha kremton të Shtunën e Shpirtrave që është e dyta brenda vitit, të cilën populli bullgar e quan ndryshe edhe si e Shtuna e Shpirtrave e Qershisë, sepse përkon gjithmonë me stinën e..
Pothuajse njëqind eksponate nga Muzeu Historik “Iskra” ("Shkëndija") në qytetin e Kazanllëkut (Bullgaria Qendrore) do të shfaqen në një ekspozitë botërore të artefakteve të thesareve trake në Muzeun “Paul Getty” në Los Anxhelos në fund të vitit,..