Mirosllav Ivanov (kitarë, vokal, kijbord), Grisha Georgiev (vokal dhe bas) dhe Dejan Dragiev (bateri) – ata djem formojnë grupin rok “Sain Electrics”. Brenda viteve ata tri muzikantë punuan me formacione të ndryshme. Mirosllav Ivanovi edhe incizoi një album instrumental prej autori. Grupin “Sain Electrics” e fromoi në vitin 2008, por mezi në vitin 2014 arriti të realizojë atë drejt së cilës synonte – një rok modern bashkëkohor. Gjatë kësaj pranvere emri i grupit u dëgjua pasi në Konkursin e Radios Kombëtare Bullgare për Rok dhe Pop “Pranvera 2017” fitoi çmimin e madh – një koncert me vete në Festivalin në Grjoningen të Holandës.
Tashmë është fakt albumi i debutimit i formacionit “Keep Me Calm”. Incizimi u realizua në qytetin Harmanli, gjë për të cilën Grisha Georgiev rrëfen:
“Harmanli është qyteti im i lindjes. Incizuam këngët në studion e vatrës së kulturës në qytet. Muzikantët e grupit “Sllavjani”, në të cilin im at është kitarist krijuan këtë studio. Kënga “Locked in this town” nga albumi i debutimit rikrijon pikërisht këtë histori, se si kur është i vogël njeriu ëndërron të udhëtojë dhe të zbulojë botën, por vjen një moment, kur ai fillon të ndjejë një nostalgji që të kthehet në shtëpi.”
Pas dekoratës së fituar të konkursit të Radios Kombëtare Bullgare “Pranvera 2017” grupi Sain Electrics realizon koncerte në mbarë vendin. Tri muzikantët dhanë dy koncerte edhe në qytetin Harmanli. Duke pritur promovimin e albumit të debutimit Miro Ivanov tha:
“Më 27 tetor, kur do të prezantojmë albumin bashkë me ne në skenë do të jetë edhe muzikanti blus Vasko Krëpkata. Me fizarmonikën e tij ai u përfshi në njërën prej këngëve të incizuara. Secili, që do të vijë në koncert bashkë me biletën do të marrë diskun më të ri të grupit Sain Elecrics.”
Ambicia e tri muzikantëve – Mirosllav Ivanov, Grisha Georgiev dhe Dejan Dragiev është, që albumi i tyre të debutimit “Keep me Calm” të arrijë edhe te dëgjuesit e huaj.
Përgatiti në shqip: Svetllana Dimitrova
Bellosllava do të mbyllë faqet e verës dhe do të hapë faqet e sezonit vjeshtë-dimër me një koncert special më 18 shtator në Kinemanë Kabana në Sofje. Pranë saj në skenë do të jenë Zhivko Petrov - piano, Dimitër Semov - bateri, Dimitër Karamfillov..
Në Ditën e Sofjes, ju ftojmë të bëni një shëtitje përgjatë bulevardeve të saj dhe ta shihni qytetin ashtu siç e pa Mihaill Bellçev plot 50 vite më parë – në vitin 1975. Mihaill Bellçev kompozoi muzikën mbi vargjet e poeteshës Mirjana Basheva. Në..
Një nga fytyrat më të njohura të skenës muzikore austriake – e lindura në Plovdiv Donka Angëçeva, prej disa vitesh është pjesë e rrethit prestigjioz të artistëve të markës së famshme Bösendorfer Artists, midis të cilëve janë pianistë legjendarë si..
Dy këngëtarë - Bojana Karpatova dhe Boris Hristov - bashkohen për një këngë dueti të titulluar "Ndërsa je këtu". Bojana vetë shkroi muzikën dhe..
Një ansambël prej dy ose më shumë harpash nuk është diçka e re në skenën bullgare. Por për herë të parë do të kemi mundësinë të dëgjojmë një oktet..