Parlamenti i Maqedonisë ratifikoi marrëveshjen me Greqinë
Me 69 vota “pro” dhe pa pjesëmarrjen e opozitës parlamenti i Maqedonisë ratifikoi marrëveshjen me Greqinë, e cila do të ndihmojë për zgjidhjen e kontestit shumëvjeçar për emrin e Maqedonisë dhe për fillimin e procesit të integrimit euroatlantik të Shkupit. Hapi tjetër është miratimi nga ana e Presidentit George Ivanov, i cili duhet ta shpallë pozitën e tij brenda afatit shtatë ditor. Ivanovi, sipas të cilit marrëveshja me Greqinë është e papranueshme, tashmë deklaroi pozitën e tij. Në lidhje me të Kryeministri Zoran Zaev tha se në se Presidenti nuk e nënshkruajë marrëveshjen, pasi qytetarët votojnë për të në referendumin kombëtar, shumica parlamentare do të kërkojë impeachment për kreun e shtetit.
Më 24 qershor në Turqi do të zhvillohen zgjedhje parlamentare dhe presidenciale
Shtetasit e Turqisë do të ushtrojnë të drejtën e tyre të votimit më 24 qershor në zgjedhjet presidenciale dhe parlamentare. Ndër kandidatët është 64-vjeçari Rexhep Taip Erdogan – presidenti i parë i zgjedhur drejtpërsëdrejti nga populli. Ai është në këtë post që nga viti 2014. Para kësaj nga 2003-a deri më 2014-ën ai ishte kryeministër. Këshilli i lartë zgjedhor shpalli se 59 miliona veta do të votojnë në këto zgjedhje. 3 miliona votues jetojnë jashtë Turqisë dhe për ta procesi zgjedhor tashmë përfundoi. Në se askush nga kandidatët nuk merr shumicën absolute të votave, më 8 korrik do të zhvillohet balotazh me pjesëmarrjen e dy kandidatëve, të cilët kanë fituar më shumë vota në raundin e parë.
Dimitris Avramopoulos: Ka rritje të fluksit të migrantëve në disa nga shtetet e Ballkanit Perëndimor
Komisioneri Evropian për çështjet e migracionit Dimitris Avramopoulos deklaroi se ka rritje të numrit të refugjatëve në disa shtete të Ballkanit Perindimor e më konkretisht në Bosnjë e Hercegovinën, Shqipërinë dhe Malin e Zi. “Pavarësisht se numri i njerëzve, të cilët kalojnë kufijtë e këtyre vendeve ende nuk është shqetësues, qëllimi ynë është të bashkojmë përpjekjet tona për evitimin e një përkeqësimi eventual të situatës”, nënvizoi Avramopoulos.
Hashim Thaçi: Është koha për të arritur marrëveshjen historike me Serbinë
Presidenti i Kosovës Hashim Thaçi deklaroi se takimi i tij i planifikuar më 24 qershor në Bruksel me homologun serb Aleksandër Vuçiç është shumë i rëndësishëm, sepse është faza finale para arritjes së marrëveshjes ndërmjet Kosovës dhe Serbisë për pajtimin e dy popujve. Në Prishtinë Thaçi tha se normalizimi i marrëdhënieve mes Beogradit dhe Prishtinës pritet nga SHBA-ja dhe Bashkimi Evropian, prej të cilëve ai ka marrë mbështetje. Sipas presidentit kosovar pas këtyre negociatave është koha për të arritur marrëveshjen historike, e cila do t’i japë fund epokës tragjike të marrëdhënieve ndërmjet të dyja shteteve. Jo aq optimiste janë qëndrimet në Kuvendin e Kosovës. Seanca e deputetëve e së mërkurës përfundoi pas diskutimeve dyorëshe dhe pa konsensus për një platformë të përbashkët për negociatat Kosovë-Serbi.
SHBA-ja: Rumania është një model për luftimin e korrupsionit
Rumania është një model për luftimin e korrupsionit për Evropën Lindore, deklaroi ndihmës sekretari shtetëror amerikan Wess Mitchell në Bukuresht. Fjalët e tij vijnë në një moment kur qeveria e qendrës së majtë në vend përpiqet të vështirësojë procesin e kundërvënies së ryshfeteve. “Shtetet e Bashkuara të Amerikës përkrahin progresin e arritur dhe tani nuk është një moment, në të cilin dëshirojmë ta shikojmë Rumaninë duke bërë hapa prapa” – tha Mitchell.
Përpiloi: Miglena Ivanova
Përgatiti në shqip: Jordanka Ivanova
Këneta е Bojanës është e vetmja ligatinore natyrore në territorin e Sofjes, e cila është ende shtëpia e një numri speciesh të mbrojtura të bimësisë ujore, amfibëve dhe zvarranikëve. Ky fenomen natyror ndodhet në 670 m mbi nivelin e detit midis disa..
Diversiteti kulturor dhe gjuhësor – pikërisht kjo e dallon Bashkimin Evropian dhe gjuhët e folura në komunitet janë një pjesë e rëndësishme e trashëgimisë kulturore të Evropës. Ka 24 gjuhë zyrtare në BE dhe sa herë që në të anëtarësohen shtete..
Emrat e këtij Komisioni Evropian nuk janë më spekulime apo hamendje, por fakt. Struktura gjithashtu dhe ajo që është e qartë është se janë 6 nënkryetarë ekzekutivë por struktura e nënkryetarëve të zakonshëm është hequr. Siç pritej, secila prej..
Mbrojtja e kafshëve dhe fëmijëve të pafavorizuar, si dhe promovimi i nismave të ndryshme kulturore, janë thelbësore për përmirësimin e mjedisit jetësor në..
Radosllava Nedyalkova nga Milano u zgjodh "Bullgarja e Vitit 2023" në mesin e 24 bashkatdhetarëve të nominuar nga 19 vende. Dallimi me emrin e..
Sofja është mikpritëse e ekspozitës më të madhe të automobilave në Evropë këtë vit, tha për BTA Aleksandër Kostadinov, kryetar i Bordit Drejtues të..