Arti është një shprehje e synimit drejt bukurisë dhe fluturimit të mendimit, ai e prek shpirtin edhe të njeriut të arsimuar, edhe të atij të pashkolluar, sepse buron nga zemra. Pikërisht përmes artit, fëmijët me aftësi të kufizuara mund të shprehin veten në një botë më të mirë, ku vetëm ndjenja e bukurisë ka rëndësi. Kurse fëmijët me dhunti artistike kanë nevojë vetëm prej kushteve, në të cilat të zhvillojnë talentin e vet. E tillë është ideja e iniciativës “Arti me kauzë” – t’i ndihmojë këta bullgarë “specialë” dhe ta bëjë jetën e tyre një përjetim emocionues. Fushata përkrahet prej piktorëve të njohur bullgarë, figurave publike dhe shkrimtarëve, kurse të ardhurat nga ngjarjet kulturore me pjesëmarrjen e tyre kthejnë buzëqeshjet e fëmijëve “të ndryshëm”.

"Për 3 vjetët e fundit kemi dhuruar për shërimin e 15 fëmijëve rreth 97 000 leva – shënon muzikantja Zina Ljubenova, organizatore e ngjarjeve.Dy herë në vit, gjatë muajve korrik dhe dhjetor, organizojmë, bashkë me partnerët tanë nga “Sporti me kauzë”, ngjarje të përbashkëta bamirëse, në të cilat propozojmë vepra nga ekspozitat. Ideja është jo vetëm të përkrahim fëmijët, por dhe të detyrojnë shoqërinë të jetë solidare. Sepse në qoftë se sot ne nuk e kemi këtë problem, ai nuk është yni, nesër  ai mund të jetë. Ne duam të kultivojmë ndjeshmëri. Vetë vendi Project Lab është i krijuar me idenë të ofrojë një hapësirë falas për artin, i cili të arrijë deri tek një rreth me të gjerë njerëzish."

Mes kauzave bamirëse është dhe grumbullimi i mjeteve për Elja, e cila është 11 vjeçe dhe ka lindur pa duar dhe këmbë. Pavarësisht nga ceni i saj, ajo pikturon, mundohet të shkruajë dhe shkon rregullsish në shkollë. Në sajë të iniciativës “Arti me kauzë”, në të cilën përfshihen piktorë të njohur si Vera Peneva, Dili Bozaxhieva, Nikollaj Jakimov dhe Jovo Jovçev, ka shans që Elja të fillojë të ecë me ndihmën e impianteve speciale. Për to janë të nevojshme 80 000 euro. Deri në këtë moment është mbledhur një pjesë e madhe nga shuma. Prandaj grumbullimi i parave do të vazhdojë me ngjarje të tjera artistike.

Në hapësirën e Project Lab dhe në fushatat e “Artit me kauzë” e gjeti vendin e vet dhe Borjana Ivanova-Boko, e cila kohët e fundit paraqiti ekspozitën e saj të parë me piktura prej stofi. Përveç me format dhe ngjyrat e shkëlqyera, ato bëjnë përshtypje dhe me stilin e vet novator:

"Unë jam një njeri i cili shqetësohet shumë dhe nuk qesha dakord t’i tregoj, por miqtë e mi më inkurajuan. Në kërkimin e një salle të përshtatshme u takova rastësisht me Zinën e shkëlqyer. Ideja të orientohemi drejt kauzës qe tepër impulsive, me qenë se unë jam nënë e një fëmije që vuan nga autizmi. Prandaj dhe qëllimi i kësaj ekspozite është që të mund t’i përkrahim fëmijët me autizëm, sepse ata janë qenie të shkëlqyera me një ndjenjë pak më tëndryshme për botën, më të ndjeshëm, por po kaq normalë si të gjithë ne. Përmes kësaj ekspozite dua t’u tregoj prindërve, se mundin vetë të gjejnë mënyrë të përkrahin financiarisht veten e vet - përmes krijimtarisë ose duke zbuluar një fushë, në të cilën janë të fortë. Ekspozita e tanishme është një ëndërr e realizuar, nuk kam durim të shikoj reagimet e njerëzve."

Njohja e publikut nuk u vonua dhe jo vetëm për shkak të kauzës, por dhe për shkak të mesazheve të dashurisë së nënës në pikturat e Borjanës. Pikërisht ato i provokuan njerëzit të hapin zemrat e tyre për dashurinë dhe të blejnë krijime të piktores së re.

"Çdo një prej nesh mund të ndajë nga paratë e veta, por ky nuk është qëllimi ynë. Ne duam t’i bëjmë njerëzit solidarë. Të jemi me të vërtetë një pjesë nga një komuniteti, i cili në ndonjë farë mënyre e formon këtë shoqëri. Në thelbin e vet arti është elitar, por edukon dhe e kultivon publikun, ai mund ta bëjë njeriun më të mirë, më të përgjegjshëm dhe të ndjeshëm ndaj problemeve, të cilat janë rreth tij."

Përgatiti në shqip: Nataniela Vasileva

Foto: Darina Grigorova