Në qoftë se deri në fund të vitit nuk merremi vesh për datën e festimit të heroit tonë të përbashkët Goce Dellçev, nuk do të punojmë në Komisionin e përbashkët me Maqedoninë e Veriut, deklaroi Ministrja e Punëve të Jashtme Ekaterina Zaharieva. Breza me radhë në Maqedoni u tregojnë fëmijëve të tyre gënjeshtra të mëdha dhe përhapin nacionalizëm të falsifikuar. Kjo nuk mund të pranohet nga ana jonë. Ne e dimë historinë e tyre – tërë kuptimi i tyre për kombin është krijuar në bazë të ndarjes nga Bullgaria, tha Ministrja Zaharieva. Sipas saj data e propozuar nga Shkupi – 7 tetor, për nderimin e përbashkët të Goce Dellçevit është absurde, sepse atëherë është bërë tradhtia më e madhe në historinë bullgare dhe regjimi komunist ua ka dorëzuar lipsanat e vojvodës Goce Dellçev Jugosllavisë së Titos.