Shtyrja e negociatave për aderimin e Shqipërisë dhe Maqedonisë së Veriut në BE është shenjë e keqe për vendet e tjera të Ballkanit Perëndimor dhe kjo do të çojë në humbjen e besimit tek Bashkimi. Kjo tezë bashkoi Kryeministrin dhe Ministrin e punëve të jashtme të Malit të Zi Dushko Markoviç dhe Sërxhan Dërmanoviç gjatë bisedimeve të tyre me Nënpresidenten Ilijana Jotova në Podgoricë. Të dy nënvizuan se në sajë të Bullgarisë vendet e Ballkanit Perëndimor u bënë “të dukshme” për BE. Pas takimit të saj me Presidentin e Malit të Zi Milo Xhukanoviç Nënpresidentja tha se pas Presidencës Bullgare të Këshillit të Bashkimit Evropian tema për aderimin e Ballkanit Perëndimor në BE vazhdon të jetë në rendin e ditës, por jo ashtu siç duam.