Zëvendëskryeministrja dhe Ministre e Punëve të Jashtme Ekaterina Zaharieva u takua me drejtorin e përgjithshëm të Agjencisë së Energjisë Atomike të Organizatës për Bashkëpunim dhe Zhvillim Ekonomik (OECD) William Magwood, i cili ishte për vizitë në Bullgari me ftesë të Ministrisë së Energjetikës. Zaharieva deklaroi se në vendin tonë ka konsensus politik sa i përket domosdoshmërisë për aderimin e vendit tonë në OECD dhe shpresojmë se do të marrim ftesë për bisedime që vitin tjetër. Diplomatja jonë e parë vuri në dukje se së shpejti qeveria bullgare do të deklarojë zyrtarisht kandidaturën e vendit tonë për anëtarësim në Agjencinë e Energjetikës Atomike të OECD-së. Agjencia është një organizatë ndërkombëtare e vendeve industriale për përhapjen e diturive më ët fundit në lëmin e energjisë bërthamore.