Greqia është paralizuar nga greva masive
Më 24 shtator në Greqi është shpallur grevë mbarëkombëtare të të punësuarve në sektorin e transportit. Për 24 orë nuk do të lëvizen anijet, tragetet, transporti urban, metroja. Në grevë marrin pjesë gjithashtu mësuesit dhe personeli mjekësor, kurse nëpunësit e bankave dhe gazetarët janë në grevë të pjesshme. Protestat përkojnë me diskutimet në Kuvend të projektligjit për privatizimin e sektorit publik dhe me ato të lidhura me legjislacionin e punës .Ishte miratuar kandidatura e Laura Kövesi për prokurore të përgjithshme të BE-së
Përfaqësuesit e përhershëm të shteteve-anëtare të BE-së miratuan kandidaturën e rumunes Laura Kövesi për Kryeprokurore të Bashkimit. Prej të gjtha 22 votave (jo të gjitha vendet-anëtare të BE-së marrin pjesë në themelimin e Prokurorisë së Përgjithshme Evropiane) Kövesi mori 17 “pro”. Para kësaj pëlqimin e tij e shprehu dhe Parlamenti Evropian. Sipas procedurtës ajo mund të emërohet pas shpalljes së përfundimit të negociatave ndërinstitucionale. Zgjedhja e Laura Kövesit për prokurore të përgjithshme të BE-së provokoi një stuhi politike në Rumani. Kryeministrja Viorica Dancila është kundër zgjedhjes së saj në këtë post dhe e ka porositur përfaqësuesen rumune në Bashkimin Evropian Luminita Odobescu të votojë “kundër”. Sipas burimeve diplomatike përfaqësuesja e Rumanisë nuk ka marrë udhëzime me shkrim për këtë votim dhe ka votuar “pro” Kovesit dhe tani mund të humbë postin e vet. Derisa ishte në krye të Drejtorisë Qendrore të Rumanisë për Kundërvënien e Korrupsionit Laura Kövesi dërgoi pas hekurave dhjetëra përfaqësues të pushtetit – diçka me të cilën ajo fitoi pëlqimin e Brukselit, por në Rumani ishte akuzuar për këtë se ka sakrifikuar njerëz të pafajshëm për shkak të ambicieve të saj për karrierë ndërkombëtare.
Erdogani diskutoi me Putin dhe Rohani kërcënimin për një valë të re migrantësh
Presidentët e Turqisë, Rusisë dhe Iranit diskutuan në Ankara të ardhmen e Sirisë. Takimi i këtij formati për kërkimin e zgjidhjes së krizës siriane u zhvillua për herë të pestë. Rexhep Erdogan, Vladimir Putin dhe Hasan Rohani u bashkuan rreth idesë për mbrojtjen e tërësisë territoriale të Sirisë. Të tre janë kategorikë se veprimet e përbashkëta ushtarake në lindje të lumit Eufrat do të vazhdojnë. “Nuk do të ndalemi derisa të likuidohen të gjitha grupet e rebelëve”, tha Erdogani. Të tre liderët diskutuan kërcënimin për një valë të re të migrantëve. Në Turqi tashmë kanë kërkuar strehim mbi 3,6 mln. refugjatë. Ankaraja disa herë paralajmëroi se nuk mund të marrë më shumë klandestinë dhe sipas fjalëve të Erdoganit: “mund t’i hapim portat ndaj Evropës”.
Deputetët nga PE do të ndërmjetësojnë për zgjidhjen e krizës në parlamentin serb
Përfaqësuesit e Parlamentit Evropian do të përpiqen ta ndihmojnë normalizimin e dialogut në parlamentin e Serbisë, puna e të cilit tashmë një muaj është bojkotuar nga opozita. Takimi i parë me këtë qëllim ndërmjet deputetëve evropianë dhe atyre serbë do të zhvillohet në Beograd në fillim të tetorit, gjysmë vit para zgjedhjeve parlamentare në vend. Përfshirja e eurodeputetëve në rivendosjen e dialogut ndërmjet partive parlamentare serbe është mirëpritur, mendon Kryetarja e Parlamentit Serb Maja Gojkoviç para Kryetarit të Komisionit të punëve të jashtme të PE-së David McAlister.
Përpiloi: Miglena Ivanova
Përgatiti në shqip: Jordanka Ivanova
Më 22 dhe 23 shtator, bullgarët, kryesisht nga Italia Veriore, u mblodhën në qytetin e bukur italian Brunate mbi liqenin e Komos, në sfondin e Alpeve madhështore dhe pamjen e të gjithë luginës së Lombardisë. Për dy ditë me rradhë ata nderuan jo vetëm..
Më 5 tetor 2024 u hap shkolla e parë bullgare e së dielës në fshatin Trebisht të Gollobordës, Shqipëri. Shkolla mban emrin e festës më të bukur bullgare - “24 Maj” - dita në të cilën nderojmë veprën e Shenjtorëve Kirill dhe Metodij, shkrimin dhe..
Motra Meri Grejs është një nga 7 murgeshat në manastirin benediktin në fshatin Carev Brod, Bullgaria Verilindore. Ajo është 27 vjeçe dhe është nga Tanzania. Gjashtë motrat e tjera në manastir janë nga Gjermania, Koreja, Filipinet dhe Bullgaria...
Observatori Astronomik me Planetar "Sllavej Zllatev" në qytetin Karxhali hapi "hyrjen e lirë" me rastin e festës së qytetit - 21 tetorit. Nëse moti e..
Një shfaqje argëtuese "shkencë" për fëmijët iu kushtohet dinozaurëve. Ajo do të mbahet për një qëllim bamirësie - në mbështetje të Qendrës së..