Greqia është paralizuar nga greva masive

Ishte miratuar kandidatura e Laura Kövesi për prokurore të përgjithshme të BE-së

Përfaqësuesit e përhershëm të shteteve-anëtare të BE-së miratuan kandidaturën e rumunes Laura Kövesi për Kryeprokurore të Bashkimit. Prej të gjtha 22 votave (jo të gjitha vendet-anëtare të BE-së marrin pjesë në themelimin e Prokurorisë së Përgjithshme Evropiane) Kövesi mori 17 “pro”. Para kësaj pëlqimin e tij e shprehu dhe Parlamenti Evropian. Sipas procedurtës ajo mund të emërohet pas shpalljes së përfundimit të negociatave ndërinstitucionale. Zgjedhja e Laura Kövesit për prokurore të përgjithshme të BE-së provokoi një stuhi politike në Rumani. Kryeministrja Viorica Dancila është kundër zgjedhjes së saj në këtë post dhe e ka porositur përfaqësuesen rumune në Bashkimin Evropian Luminita Odobescu të votojë “kundër”. Sipas burimeve diplomatike përfaqësuesja e Rumanisë nuk ka marrë udhëzime me shkrim për këtë votim dhe ka votuar “pro” Kovesit dhe tani mund të humbë postin e vet. Derisa ishte në krye të Drejtorisë Qendrore të Rumanisë për Kundërvënien e Korrupsionit Laura Kövesi dërgoi pas hekurave dhjetëra përfaqësues të pushtetit – diçka me të cilën ajo fitoi pëlqimin e Brukselit, por në Rumani ishte akuzuar për këtë se ka sakrifikuar njerëz të pafajshëm për shkak të ambicieve të saj për karrierë ndërkombëtare.

Erdogani diskutoi me Putin dhe Rohani kërcënimin për një valë të re migrantësh

Presidentët e Turqisë, Rusisë dhe Iranit diskutuan në Ankara të ardhmen e Sirisë. Takimi i këtij formati për kërkimin e zgjidhjes së krizës siriane u zhvillua për herë të pestë. Rexhep Erdogan, Vladimir Putin dhe Hasan Rohani u bashkuan rreth idesë për mbrojtjen e tërësisë territoriale të Sirisë. Të tre janë kategorikë se veprimet e përbashkëta ushtarake në lindje të lumit Eufrat do të vazhdojnë. “Nuk do të ndalemi derisa të likuidohen të gjitha grupet e rebelëve”, tha Erdogani. Të tre liderët diskutuan kërcënimin për një valë të re të migrantëve. Në Turqi tashmë kanë kërkuar strehim mbi 3,6 mln. refugjatë. Ankaraja disa herë paralajmëroi se nuk mund të marrë më shumë klandestinë dhe sipas fjalëve të Erdoganit: “mund t’i hapim portat ndaj Evropës”.

Reshjet e natës së 24 shtatorit kanë dëmtuar një nga tre çadrat e ngritura për të dëmtuarit nga tërmeti në stadiumin e Durrësit. Të strehuarit në ta kanë kaluar natën në Shtëpinë e Pushimit të Ministrisë së Brendshme dhe në atë të Ministrisë së Mbrojtjes. Ndërkohë grupet e punës pritet të nisin verifikimet shtëpi më shtëpi të dëmeve nga tërmetet e ditëve të fundit, ndërsa u bëhet thirrje qytetarëve të dëmtuar të raportojnë paraprakisht pranë njësive administrative dëmet që kanë pësuar. Pas goditjeve që goditën Shqipërinë e Mesme të shtunën, më e forta prej të cilave ishte me magnitudë 5.8 në shkallen Rihter, Tirana i është kthyer normalitetit. Shkollat, kopshtet dhe çerdhet sot janë hapur dhe mësimi e aktivitetet e përditshme për fëmijët do të vijojnë normalisht.

Deputetët nga PE do të ndërmjetësojnë për zgjidhjen e krizës në parlamentin serb

Përfaqësuesit e Parlamentit Evropian do të përpiqen ta ndihmojnë normalizimin e dialogut në parlamentin e Serbisë, puna e të cilit tashmë një muaj është bojkotuar nga opozita. Takimi i parë me këtë qëllim ndërmjet deputetëve evropianë dhe atyre serbë do të zhvillohet në Beograd në fillim të tetorit, gjysmë vit para zgjedhjeve parlamentare në vend. Përfshirja e eurodeputetëve në rivendosjen e dialogut ndërmjet partive parlamentare serbe është mirëpritur, mendon Kryetarja e Parlamentit Serb Maja Gojkoviç para Kryetarit të Komisionit të punëve të jashtme të PE-së David McAlister.

Përpiloi: Miglena Ivanova

Përgatiti në shqip: Jordanka Ivanova