Kisha Ortodokse Bullgare nderon sot Shenjtoren Petka – Paraskeva Tërnovska (Paraskeva e Tërnovos). Festa është quajtur nga populli Dita e Petkos. Shën Petka – një prej shenjtoreve më të nderuara në Bullgari, ka lindur në qytetin Epivat të Detit të Mermertë gjatë shekullit XI. Ka jetuar një jetë modeste dhe të devotshme, kurse pas vdekjes, eshtrat e saj janë kthyer në simbol të luftëspër ruajtjen e kulturës së krishterë nga asimilimi islamik. Gjatë vitit 1238 mbreti Iva Asen II i transferoi lipsanat e saj në qytetin e sotëm të Veliko Tërnovos, ku ruheshin deri në sundimin e tij nga turqit. Pas shtegtimeve të gjata në vitin 1641 eshtrat janë vendosur në katedralen e qytetit rumun Jash, ku gjenden dhe sot e kësaj dite. Në traditën popullore Dita e Petkos konsiderohet si fundi i vjeshtës dhe i ciklit aktiv bujqësor. Sipas traditës bëhen kurbane dhe mbahen rituale të ndryshme për shëndet dhe bereqet.