Shteti themelon “Holding Ujësjellës-Kanalizimeve” ShA. Në të do të marrin pjesë të gjitha shoqëritë furnizuese të ujit në vend. Holdingu do të jetë pronë e shtetit me kapital prej mbi 511 milionë euro, vuri në dukje Ministrja e zhvillimit regjional Petja Avramova.

Kapitali do të formohet përmes kontributit në të holla nga ana e  shtetit. Sipas zonjës Avramova Holdingu do të mund të sigurojë një model të qëndrueshëm për financimin e sistemit të furnizimit të ujit të pijshëm.

Kryeministri Bojko Borisov kërkoi garanci, se uji i pijshëm nga liqenet artificiale nuk do të shkojë me prioritet për prodhimin e energjisë elektrike. Deri në themelimin e holdingut u arrit pas krizës së rëndë me mungesën e ujit në qytetin Pernik i cili ndodhet fare afër kryeqytetit Sofje dhe është me popullsi 122,5 mijë veta.