Në një intervistë për Televizionin Kombëtar Bullgar Ministri i Punëve të Brendshme Mlladen Marinov deklaroi se tani për tani Ministria e tij përballet me situatën e pazakontë lidhur me krizën e koronavirusit dhe nuk ka nevojë për ndihmën e ushtrisë. Do të ketë domosdoshmëri për ndihmë të tillë në rast të shterimit të resurseve të Ministrisë së Punëve të Brendshme (MPB). Respektimi i karantinës 14 ditore kontrollohet nga MPB-ja dhe kanë filluar mbi 100 hetime gjyqësore. Ndëshkimet janë burgim deri në 5 vjet dhe gjobë me përmasë 25 565 euro (50 000 leva).

Marinov vuri në dukje gjithashtu se nuk ka prova për kalimin e refugjatëve përmes kufirit tonë gjatë 24 orëve të fundit. Vëzhgohet ulje e kriminalitetit për shkak të masave më të rrepta të sigurisë. Gjatë 24 orëve të fundit nuk ka asnjë automjet të vjedhur në territorin e tërë vendit.