Në 15 nga 28 qarqet e Bullgarisë norma e papunësisë tejkalon 10%, duke pasur parasysh se norma e saj mesatare për vend është 9%, tregon një analizë e Agjencisë së Punësimit për muajin maj. Mesatarisht për një vend pune konkurrohen 9 të papunë. Më e madhe është papunësia në Vidin (Bullgari Veriperëndimore) – 16,5%, kurse më e ulët – në Sofje – 4,4%. Më e madhe është konkurrenca ndër njerëzit pa punë në Pleven – aty 20 njerëz aplikojnë për një vend të lirë, kurse më e vogël është ajo në Sofje – 4 veta për një vend pune.

Gjatë majit ka një tendencë të pakësimit të papunësisë në krahasim me prillin, e cila vjen si pasojë e nevojës për punëtorë sezonalë. Edhe në maj vazhdon tendenca e lirimit të kuadrove nga industria e përpunimit dhe pas saj renditet tregtia.