Në sfondin e protestave antiqeveritare, kabineti pakësoi përkohësisht nga 20 deri më 9% normën e tatimit për verën dhe për birrën në lokale. Motivi i grupeve parlamentare të “Patriotëve të Bashkuar” dhe “Volja”, të cilat e parashtruan këtë kërkesë, qe se në këtë mënyrë stimulohet jo vetëm dega e prekur, por dhe prodhimi vendas i pijeve alkoolike. Por, analizatorët e cilësuan këtë lëvizje të bërë nga qeveria si një reagim të pamenduar, nën presionin e industrive më “të zëshme”. Argumenti i tyre ështëse ulja e tarifave bëhet pa u vlerësuar efekti në buxhet rreziqet e mashtrimit tatimor, si dhe ai i dobive të pritura. Sipas pronarëve të lokaleve,masa është tepër e vonuar në kohë, përveç kësaj u jep prioritet objekteve, të cilat vizitohen prej më shumë njerëzish.
Në një intervistë për Radion Kombëtare Bullgare ekonomisti kryesor i Institutit të Ekonomisë së Tregut, Llëçezar Bogdanov, vuri në dukje se, pakësimi i TVSH-së mbi birën dhe verën “është një masë shumë mbrapa në radhën e masave, të cilat mundet të stimulojnë në një plan më të përgjithshëm një klimë më të mirë investuese në Bullgari”.
Prandaj sipas tijpyetja e madhe është nëse këto masa janë të qëndrueshme dhe sesi do të ndihmojnë për rritjen ekonomike gjatë viteve të afërta. Me rëndësi është po kështuse çfarë sistemi tatimor duam të mirëmbajmë.Në lidhje me këtëështë e nevojshme të kërkohen ulje të tilla tatimore, të cilat të inkurajojnë shtimin e potencialit afatgjatë për një rritje ekonomike,është kategorik ekonomisti.
Ulja e TVSH-së, e cila do të vazhdojë deri në fund të vitit 2021, vlen dhe për shërbimet turistike, palestrat dhe pajisjet sportive, përfshi këtu pishinat dhe sheshet sportive. Transportet e rastit për turistët po kështu do të përdorin një tatim më të ulët.
Por duke pasur parasysh se nuk ka mjaft turistë,a është kjo masa e cila do të shpëtojë industrinë? Në fillim të verës niveli i taksave për hotelierët ra më 9%, por në praktikë ndryshimi në çmimin e shërbimit është minimal. Kështu për shembull në vend të 100 levave/50 euro/ për një dhomë dyshe, turistët paguajnë 97 leva /48 euro/.Kjo më tepër do të rrisë fitimet e biznesit të madh, në vend që të tërheqë turistë, mendojnë ekonomistët. Duke pasur parasysh faktin se numri i pushuesve të huaj u pakësua shumë gjatë kësaj vere, ulja e niveleve tatimore nuk mund të shpëtojë disa operatorë turistikë nga falimentimi.
E vërteta është se industria insiston për zhvillimin e programeve të punësimit në sektor, përmes trajnimit dhe rikualifikimit, në bazë të vijës së instrumenteve evropiane.
Sa u përket shërbimeve të ndryshme në palestër, aty gjithashtu niveli i ulur i taksave varet nga vizitat. Kjo nuk ka sesi të shpëtojë nëpunësit nga shkurtimet, gjatë një situate që sallat e palestrave qëndrojnë gjysmë të zbrazëta, për shkak të koronavirusit.
Në këtë kuptimmasat mbase mundet të kenë një efekt të prekshëm përmes shpenzimeve sociale më efikase, është konkluzioni i ekspertëve.
Përpiloi: Darina Grigorova
Përgatiti në shqip: Nataniela Vasileva
Agjencia Bullgare e Investimeve dhe Organizata e Tregtisë së Jashtme të Japonisë po nënshkruajnë një memorandum mirëkuptimi që do t'i japë një shtysë të re marrëdhënieve tregtare dhe ekonomike midis Bullgarisë dhe Japonisë. Të dyja vendet po kërkojnë..
Një sërë institucionesh – Ministria e Punës dhe Politikës Sociale, Agjencia e Punësimit, Agjencia Ekzekutive për Bullgarët Jashtë Vendit, Ministria e Brendshme, si dhe deputetë të Kuvendit Popullor, kanë marrë një angazhim të qartë: të përmirësojnë..
Gjatë vitit 2024, Bullgaria ishte në vendin e parafundit në BE së bashku me Estoninë për nga Konsumi Individual Faktik (KIF) për frymë. Ky tregues i rëndësishëm për mirëqenien materiale të familjeve është më i ulëti në Hungari – 72% e fuqisë blerëse..
Vetëm një javë mbetet deri te vendimi përfundimtar për pranimin e Bullgarisë në eurozonë – më 8 korrik Parlamenti Evropian pritet të votojë nëse vendi..
Në vitin 2025, turizmi bullgar ruan rritje të qëndrueshme, pavarësisht sfidave globale. Sipas analistëve, në muajt në vijim pritet një numër rekord..