Vdekshmëria është në varësi të numrit të të sëmurëve dhe në Bullgari ajo është 1 për qind, komentoi në një intervistë për TV Nova kryeinspektori shtetëror docent doktor Angell Kunçev. Sipas tij sistemi shëndetësor në Bullgari tani punon mirë, por në se shumë nga rastet do të përqendrohen në një vend, atëherë do të jetë shumë e vështirë. Edhe të infektuarit të arrijnë 1000 veta për ditë ka se ku të vendosen, por problemi është se nuk ka se kush të mjekojë aq shumë të sëmurë. Sipas doktorit Kunçev në Bullgari ka afro 140 specialistë të sëmundjeve infektive. Përveç kësaj numri i shtretërve në repartet intensive është i kufizuar dhe nuk shfrytëzohen vetëm për koronavirusin. “Ato reparte duhet të vazhdojnë të punojnë edhe për të aksidentuarit ose për pacientë të tjerë me nevojë urgjente për reanimim”, theksoi inspektori